Sunda hi suma a sunuzinid’a 3:6 - Bible azumeina

⁶ Wani Pierre mi dum ala: An nga ki bege d’a hapa d’oze lora d’i, wani vama an nga ki na, an nga ni hangziya. Nala, ki simiyê Jesus Christ ma Nazarat-na, ang fagakulo, ang tid’a!

Sunda hi suma a sunuzinid’a 3:6 Kruisverwysings

Matiye 10:9

Agi yogi lora d’oze kawei ma hapma d’oze beged’a kur pos magina d’uo mi.

Matiye 7:22

Kur bur máma, suma ablaud’a a mba dan ala: Salamina, Salamina, ami djogomi zlad’a hAlonid’a woi ki simiyêng ngi? Ami digimi muzuk ma tchona woi ki simiyêng ngi? Ami lami sun nda ngol la atchapa ki simiyêng ngi?

Marik 14:8

Ti le ni vama nda’â, ti lan mbulâ atan avok yam tos manda.

Marik 16:17

Wana nahle suma atchap suma suma he gagazid’a kana a mba lazina: Azi mba dik muzuk ma tchona woi kur suma, a mba de zlad’a ki vuna hi suma teteng mi.

Jean 19:19

Pilat mi he vuna á b’ir kam akulo ata agu ma b’ala ala: Wana ni Jesus ma Nazarat-na, amulâ hi Juif-fîna.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 16:18

Ti le hina burâ ngola. Ata yi máma, Paul hurum zala, mi mbut iram mi de mi muzuk ma tcho máma ala: An hang vuna ki simiyê Jesus Christ, ang nde woi kurud’u. Ata yi máma na wat, mi nde woi mi.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Sunda hi suma a sunuzinid’a 2:36

Kayam ndata, ar agi Israel-lâ pet agi wagi woi tetet ala ni Jesus ma agi b’alam akulo ata agunina ba, Alona mi mbud’um Salad’a ki Mesi mi.

Sunda hi suma a sunuzinid’a 3:16

Nata ad’enga hi Jesus-d’a, nata he gagazid’a yam simiyêm ba, sama wana mi mbut ad’enga, agi nga gologizi agi wagizi wan mi. Ni yam he gagazi d’a yam Jesus-d’a ba, sa máma mi tchol akulo avorogi wan pet na.

Sunda hi suma a sunuzinid’a 3:5

Mi so iram atazi gola, mi djib’er ala mba mi fe ini va aboziya.

Sunda hi suma a sunuzinid’a 3:7

Mi vum abom ma ndjufâ, mi tcholom akulo. Ata yi máma na wat, ir asem mbut ad’enga.

Sunda hi suma a sunuzinid’a 4:10

ar agi pet wagi djiviya, agi Israel-lâ pet wagi mi, ni kad’enga hi simiyê Jesus ma Nazarat ma agi b’alam akulo ata aguna ma Alona mi tcholom akulo aduk suma matnina ba, sa máma mi nga tchola akulo avorogi wana.

Sunda hi suma a sunuzinid’a 4:7

Kid’a azi mba ki Pierre azi ki Jean avorozid’a, a djobozi ala: Ni kad’eng nga lara d’oze ki simiyê nge ba, agi lagi kahle ndazina hina ge?

Sunda hi suma a sunuzinid’a 9:34

Pierre mi dum ala: Ene, Jesus Christ mi sud’ung wa da’, ang tchol akulo, ang d’ut zlat mangâ. Ata yi máma na wat, mi tchol akulo.

1 Korente-na 4:11

Gak ini, ami nga fami ndaka abo meid’a ki vun ma sod’a. Ami nga fami baru ma tchuk ki, a nga tomiya. Aziyami nga d’i, ami nga tchami tata.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.