Sunda hi suma a sunuzinid’a 3:26 - Bible azumeina

²⁶ Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Sunda hi suma a sunuzinid’a 3:26 Kruisverwysings

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Jeremi 31:18

An hum tchina hi suma Efraim-ma. Gagazi, a nga tchi ala: Ma didina, ang gad’ami ki gat ta ad’enga d’igi a gat amuhl ma azong ma bei hatina na. Wani ang vami atang tala ami hulongômi geveng gagazi d’a, kayam angî Ma didina Alo mamina.

Matiye 1:21

Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.

Matiye 15:24

Mi hulong dazi ala: A sununï ni yam tumiyô suma a vit tei suma aduk Israel-lîna.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Jean 4:22

Agi Samari-na kud’urogi ni vama agi wum nga d’uo na. Ami Juif-fâ kud’uromi ni vama ami wuma, kayam suta ti tcholï nata Juif-fâ.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Sunda hi suma a sunuzinid’a 2:32

Ni Jesus máma ba, Alona mi tcholom akulo; ami pet ni suma glangâsâ yam zla ndata mi.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Sunda hi suma a sunuzinid’a 3:20

Hina wani, Salad’a mba mi mba katchogoi d’a halasa kagiya, mba mi sunugï Mesi ma mam manam avok dei kagina, nala, Jesus.

Sunda hi suma a sunuzinid’a 3:22

Moise mi dala: Ma didina Alo magina mba mi tchol ki mam ma djok vuna tu aduk b’oziyogina d’igi an na. Agi mba humugi ahlena pet suma mam mba mi dagizina.

Sunda hi suma a sunuzinid’a 3:25

Vun ma djin ma Alona mi djinim avun suma djok vuna ni kagiya. Agi ni darigïd’a yam vun ma djin ma Alona mi djinim kabuyogi ngolo ata yima mi de mi Abraham ala: An mba ni b’e vunan yam andjaf suma yam andagad’ina pet ni yam andjavangû na mi.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 15:29

An wala fata an iza hatagid’a, an mba ni fagi ki b’e vuna hi Christ-sâ kagiya.

Romê-na 15:8

Kayam an nga ni dagi ala Christ mi mbut ma sunda hi Juif-fîna á ndak vun vun ma hle ma Alona mi hlum mi Abraham, mi Isak ki Jakob memetna á tak woi abu ala Alona ni Ma d’engzengâ,

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.