Sunda hi suma a sunuzinid’a 3:16 - Bible azumeina

¹⁶ Nata ad’enga hi Jesus-d’a, nata he gagazid’a yam simiyêm ba, sama wana mi mbut ad’enga, agi nga gologizi agi wagizi wan mi. Ni yam he gagazi d’a yam Jesus-d’a ba, sa máma mi tchol akulo avorogi wan pet na.

Sunda hi suma a sunuzinid’a 3:16 Kruisverwysings

Matiye 14:29

Jesus mi dum ala: Ang mbeya. Pierre mi tchuk asem mbei kur alumba, nga mi tit yam mbina á i gen Jesus.

Matiye 9:22

Wani Jesus mi mbut iram mi golod’u, mi dat ala: Goronda, ndak ve tagu, he gagazi maka sud’uk wa da’. Ata yi máma, buzu mat ma djang mi ka mi.

Jean 14:12

Gagazi, an nga ni dagiya, sama he gagazid’a kana, sun nda an lata, mam mba mi lat na mi. Mam mba mi le sun nda ngol la kal la wanda, kayam an nga ni i gen Abunu.

Jean 7:23

Le agi nga ngad’agi sana bayâd’a kur bur ma sabatna kayam agi tchilagi ni yam gata hi Moise-sa d’uo ni, ni kayam me ba, hurugi zal kan kayamba an sut sana woi kur bur ma sabatna ge?

Sunda hi suma a sunuzinid’a 14:9

Mi hum wal la tchid’a hi Paul-la. Ata yi máma, Paul mi so iram kamu, mi wum ala mi he gagazid’a á fe lafiya d’a.

Sunda hi suma a sunuzinid’a 16:18

Ti le hina burâ ngola. Ata yi máma, Paul hurum zala, mi mbut iram mi de mi muzuk ma tcho máma ala: An hang vuna ki simiyê Jesus Christ, ang nde woi kurud’u. Ata yi máma na wat, mi nde woi mi.

Sunda hi suma a sunuzinid’a 3:6

Wani Pierre mi dum ala: An nga ki bege d’a hapa d’oze lora d’i, wani vama an nga ki na, an nga ni hangziya. Nala, ki simiyê Jesus Christ ma Nazarat-na, ang fagakulo, ang tid’a!

Sunda hi suma a sunuzinid’a 3:8

Mi fagakulo, mi tchola, mi nde tita. Mi kal ki sed’ezi kur gong nga kud’ora hAlonid’a, nga mi tid’a, nga mi lak akulo, nga mi gile Alona mi.

Sunda hi suma a sunuzinid’a 4:10

ar agi pet wagi djiviya, agi Israel-lâ pet wagi mi, ni kad’enga hi simiyê Jesus ma Nazarat ma agi b’alam akulo ata aguna ma Alona mi tcholom akulo aduk suma matnina ba, sa máma mi nga tchola akulo avorogi wana.

Sunda hi suma a sunuzinid’a 4:30

Ang mat abong á sut suma tugud’eid’a, á lahle suma simata kahle suma ndandalâ ki simiyê azong mang ma bei tchod’a ba na Jesus.

Sunda hi suma a sunuzinid’a 4:7

Kid’a azi mba ki Pierre azi ki Jean avorozid’a, a djobozi ala: Ni kad’eng nga lara d’oze ki simiyê nge ba, agi lagi kahle ndazina hina ge?

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

1 Korente-na 13:2

Le an nga ki he d’a hawad’a á djok vun Alona, le an nga ki wed’a á wäd’u zla d’a mudurid’a pet, le an nga ki he gagazi d’a ndak á djok ahinad’a woid’a pî, le an nga ni le od’a d’uo ni, an ni va d’i.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.