Sunda hi suma a sunuzinid’a 3:12 - Bible azumeina

¹² Kid’a Pierre mi we hina d’a, mi de mi sum ndazina ala: Agi Israel-lâ, ni kayam me ba, agi lagi atchap yam sut mamba ge? Ni kayam me ba, agi sogi iragi kami d’igi ni kad’eng mamid’a d’oze d’engzeng mamid’a yam Alona ba, sa máma nga mi tit ki wana hina zu?

Sunda hi suma a sunuzinid’a 3:12 Kruisverwysings

Ad’u Tinda 40:8

Azi hulong dum ala: Ami nge nge pî adïd’a dumu, sama ka hî ma vamizi ad’utna nga d’i. Josef mi hulong dazi ala: NAlona ba, mi ndak á vad’ud’a d’uo zu? Agi van ni ad’u adï magid’a.

Ad’u Tinda 41:16

Josef mi hulong dum ala: Nga ni an ndi; nAlona ba, mba mi hulong hum mba djivid’a mi ang Faron.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Sunda hi suma a sunuzinid’a 3:11

Kid’a mi nga zlapa ki Pierre azi ki Jean tua d’a, suma a ringî a tok gevezi ad’u azang ma a yum ala Azangâ hi Salomon-na na, a le atchap ngola.

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Romê-na 11:1

An nga ni djop ala: Na ni Alona mi ar sum mama woi zu? Nga na d’i! Kayam an tanda ni ma Israel ma ad’u andjafâ hi Abraham-ma, ma ad’u andjafâ hi Benjamin-na mi.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

Vama ndum mbeina 7:13

Ma dingâ aduk suma nglona mi djobon ala: Suma a tchuk baru d’a fiyak ka hapa atazina, azi ni suma lara ge, a tcholï ni lara ge?