Sunda hi suma a sunuzinid’a 28:3 - Bible azumeina

³ Ata yima Paul mi tok aguna mi tchugum aduk akud’ina, mageid’a buzuk kei abo huwaka, ti d’ut del abomu.

Sunda hi suma a sunuzinid’a 28:3 Kruisverwysings

Wana ni mbaktumba hi Job-pa 20:16

Mi nga sop ayî mageid’a, sina hengre’â mba d’i tchumu.

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Isai 41:24

Gola! Agi ni va d’uo, sun magid’a ni hawa na mi. Ni vama ndjendjed’a tala sana mi deng tam kagiya d’a.

Isai 59:5

Nga hur magina mayîna d’igi ase gugui ma ayînina. Sama lara ma mi doma mi tchum atogo zak. Le a tom mbeyo ni, mageid’a buzuk kei kurumî ndad’u. Baru ma agi nga tchilima nabeid’a hi djudjugad’a, mi ndak nga á tchuk atang ngi, ndak nga á zlup kang nguo mi, wani ná mba ki ndaka. Kayam abogi mi le ni sun nda murud’umba vat tu.

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Marik 16:18

Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

Sunda hi suma a sunuzinid’a 28:2

Suma kur til ndata a le kami ngola heî, a vami atazi pet, a tchugumi akud’a, kayam alona nga mi se, ab’lenga nga d’i le mi.

Sunda hi suma a sunuzinid’a 28:4

Kid’a suma kur tila a we guguid’a d’uta del abomba, a de tazi ala: Gagazi, sa máma ni sama tchi matna. Mi sut wa woi kur aluma, hina pî, d’ingêra hAlonid’a aram nga á suta d’i.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

2 Korente-na 6:9

Ami ni d’igi suma bei suma a wazina na, wani suma a wami pet. Ami ni d’igi suma a nga bona na, wani d’igi agi wagi na, ami nga karid’a. Azi nga golomi ni d’igi suma a tozi na, wani ami bomi nga d’i.