Sunda hi suma a sunuzinid’a 27:41 - Bible azumeina

⁴¹ Kid’a azi mbaza ata yima lesâ yam graka halumid’a, bato d’a atchinat rot kä aduk lesâ. Atchinat ndak á giget ti, wani andjau batod’a nde kusa abo abil ma ngolâ.

Sunda hi suma a sunuzinid’a 27:41 Kruisverwysings

1 Amuleina 22:48

Wani kur biza ndata amul nga avo Edom mbi, wani ni ma ngol ma te yam ma amul ma Juda-na mi tinima hol.

2 Sunda Hamuleinid’a 20:37

Ata yi máma Eliyezer Dodava ma Maresa-na goroma, mi djok vuna mi Josafat, mi dum ala: Ni kayamba ang zlap ki Ahaziya-d’a ba, Ma didina mba mi b’lagang sun manga woyo. Batod’a mba d’i kus seyo, ti ndak nga á i Tarsis si.

Ezekiyel 27:26

Mang suma a lang praunina a nga i ki sed’eng akulo yam mbiyo ma nglona, wani simet ma abo ma yorogona mi kuzung ngei aduk alum ma nglona d’ad’ar.

Ezekiyel 27:34

Wani ata yima alum ma nglona a kuzung ngei ang vit kä gugur mbinina, ahle mang suma mbut abong suma tetengâ ki sum mangâ pet a hlup kä ki sed’eng mi.

Sunda hi suma a sunuzinid’a 27:17

Kid’a azi tan alumba akulo yam batod’a tanda, a djin batod’a ki ziyona kayam ti sira ngingring. Azi le mandarâ ala babarâ mba mi izi yam lesâ avun alum ma ngol ma Libi-na. Hina, azi fok barud’a hi batod’id’a kä á ar babarâ mi iziya.

Sunda hi suma a sunuzinid’a 27:30

Wani suma djang batod’a a nga hal lovota á ringâ, azi ar alum mba gora kä aduk mbina. Azi nga le d’igi a tchu’î kawei ma ve batod’a kä na kä avorozi na.

Sunda hi suma a sunuzinid’a 27:40

Azi but kawei ma ve batod’a kä na woyo, a aram sä kä aduk mbina. Azi but vama d’op batod’a woyo, a hle barud’a hi batod’id’a akulo aduk simetna, a i yam lesâ.

Sunda hi suma a sunuzinid’a 27:42

Azigarâ a ndjak vunazi á tchi suma dangeina woyo, kayam sa adigazi mi nus á sut tam mbi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.