Sunda hi suma a sunuzinid’a 27:3 - Bible azumeina

³ Tcha ndjivinda ami mbami sä Sidon. Juliyus mi le Paul djivid’a, mi aram mi i gen buniyôma ala azi ndjunumu.

Sunda hi suma a sunuzinid’a 27:3 Kruisverwysings

Ad’u Tinda 10:15

Kanan mi vut Sidon gorom ma avo’â ki Het.

Ad’u Tinda 49:13

Zabulon mba mi kak avun alum ma ngolâ, ata yima a djin batod’a kuana. Haga mamba mba d’i dabï ni Sidon.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Zakari 9:2

Ti mba yam suma kur Hamat ta hagad’a ki Damas-sina. Suma Tir-râ ki suma Sidon sumala a ni suma ned’a heyû na pî, ti mba kazi mi.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

Sunda hi suma a sunuzinid’a 24:23

Mi he vuna mi ma ngol ma azigarâ abom kisâ á ngom Paul kur dangeina, wani mi aram mi tid’a, mi d’el buniyôm suma a mba á ndjunuma d’uo mi.

Sunda hi suma a sunuzinid’a 27:1

Kid’a azi nga huruzi á sunumi ki batod’a á i yam andaga d’a Itali-d’id’a, a he Paul azi ki suma dangei suma dingâ abo ma ngol ma azigarâ abom kisâ, simiyêm ala Juliyus, ni ma ad’u adesâ hi Romê-na ma a yum ala Adesâ hi Sesar-râ na mi.

Sunda hi suma a sunuzinid’a 27:43

Wani ma ngol ma azigarâ abom kisâ mi min á sut Paul, mi d’elezi yam nga hur mazina. Mi he vuna mi suma we nusina ala a tchuk tazi kä avok aduk mbina, a i ata yima sod’a.

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Josue 19:28

Ti kal abo ma Ebron-na, Rehop, Hamon ki Kana, ti kal gak ti i Sidon-nda ngola.