Sunda hi suma a sunuzinid’a 27:21 - Bible azumeina

²¹ Kid’a azi le burâ ngola bei te tenid’a, Paul mi tchol akulo adigaziya, mi dazi ala: Agi suma, ladjï agi humun avok kid’a agi bei tchologi woi kur Kret-ta ni, ei nga fei ndaka hina d’i, ahlena nga ba woi hina d’uo mi.

Sunda hi suma a sunuzinid’a 27:21 Kruisverwysings

Ad’u Tinda 42:22

Ruben mi de mi b’oziyoma ala: An dagi d’uo zu? An dagi ala: Agi lagi Josef tchod’a d’i, wani agi humun ndi. Gola! Ki tchetchemba, ei nga fei ndaka wana, ni yam mat mama.

Sunda hi suma a sunuzinid’a 27:12

Kayam yima tchol bato máma mi nga djivid’a á kak kua vun simetna d’i, suma dingâ ablaud’a a ndjak vunazi á id’a, a djib’er ala dam azi mba tcha sä Fenis ata yima tchol bato ma Kret ma vunam abo ma fladegena kabo ma sutna, vunam abo ma fladegena kabo ma norâ mi na á kak kua vun simetna zi ge?

Sunda hi suma a sunuzinid’a 27:13

Ata yima simet ma sutna nga sir lalama, azi djib’er ala azi fe wa vama azi minima. Azi pat kawei ma ve batod’a kä na akulo, a nga tit go ki vun gongôd’i d’a Kret-ta.

Sunda hi suma a sunuzinid’a 27:20

Kid’a burâ ngola ami wami nga afata d’oze tchitchiud’a d’uo abo babar ma bibik ma nga laminid’a, ami djib’eremi ala ami bami ni woyo.

Sunda hi suma a sunuzinid’a 27:7

Ami nga tid’imi lalam burâ ngola. Ni ki ndaka tua ba, ami mbami go ki azì ma Sinide-na. Ata yima simetna d’elemi á imi avo’â, ami tid’imi navun gongôd’id’a hi til la Kret ta go ki Salmone-d’a.