Sunda hi suma a sunuzinid’a 27:11 - Bible azumeina

¹¹ Wani ma ngol ma azigarâ abom kisâ mi hum ma djang batod’a ki sala batod’a kal zla d’a Paul mi data.

Sunda hi suma a sunuzinid’a 27:11 Kruisverwysings

2 Amuleina 6:10

Kayam ndata, amul ma Israel-lâ nga mi sun azigarâ yam dodogo á ndjol yima Elise mi dum kam ala: Ang gol tang djiviya na. Ahle ndazina a le ni yazi ablaud’a.

Zla d’a d’ogolâ 27:12

Sama ned’a mi we vama tcho ma nga mi mbana, nga mi ngei tamu, wani suma lilid’a a kal kua, a fe ndaka.

Ezekiyel 33:4

le sama mi hum adif fa bud’a ko ba, mi gol tam ta, suma djangûna a mba tchumu ni, mi tchi tamî kabomu.

Sunda hi suma a sunuzinid’a 27:21

Kid’a azi le burâ ngola bei te tenid’a, Paul mi tchol akulo adigaziya, mi dazi ala: Agi suma, ladjï agi humun avok kid’a agi bei tchologi woi kur Kret-ta ni, ei nga fei ndaka hina d’i, ahlena nga ba woi hina d’uo mi.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Jacques 3:4

Agi djib’eregi yam batod’a: Ti ni ngola, wani simet ma ngolâ nga mi tanad’u. Hina pî, pirau ma gorâ nga mi d’ob’ot ata yima sama djang batod’a mi min i kuana.

Vama ndum mbeina 18:17

Ni ler ra tud’a go ba, ndjondjoî manga ti b’lak kei wana. Suliyo batod’a pet ki suma i akoid’a ki sed’etna pet ki suma djangâtna ki suma a nga le sunda kur alum ma ngolîna ki suma a nga gus ahligiyezi woi kuruma pet a mba tchol sä woi hina dei,