Sunda hi suma a sunuzinid’a 27:10 - Bible azumeina

¹⁰ Agi suma, an wala tit ta aduk mbinid’a ti mbut ni vama matna, nga ni batod’a kahle suma kurutna hol ba, a mba ba woi d’i, wani ki ei teid’a mi.

Sunda hi suma a sunuzinid’a 27:10 Kruisverwysings

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Daniel 2:30

Wani anu, a tagan ad’u adï d’a muduri ndata woi ni kayambala an kal suma dingâ ki ned’a ped’u d’a d’i, wani ná vang ad’u adï manga woi ná tagang djib’er ra kurunga woyo.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Sunda hi suma a sunuzinid’a 21:3

Kid’a ami mbami go ki til la Sipre-d’id’a, ami arat yam bigami d’a gulad’a, ami kalami gak mba mi sä Siri. Ami tchugumi asemi avo Tir; ni kua ba, azi mba yo ahlena hi batod’ina kä woyo.

Sunda hi suma a sunuzinid’a 27:31

Wani Paul mi de mi azigar ma ngolâ ki azigar mama ala: Le suma wana a nga kur batod’a d’uo ni, agi ndak á sud’ugi d’uo mi.

Sunda hi suma a sunuzinid’a 27:34

Kayam ndata, an nga ni tchenegiya, djivid’a agi tagiya, kayam agi fagi ad’enga á sud’ugi tagiya, kayam tumusa yam sa adigagi tu pî mba d’i ba woi d’i.

1 Pierre 4:18

D’igi mbaktumba hAlonid’a ti de na ala: Le nad’enga ki suma d’ingêrâ á fe suta ni, suma bei d’ingêra ki suma tchona a mba le ni nana ge?