Sunda hi suma a sunuzinid’a 26:5 - Bible azumeina

⁵ Azi pet a wan tit manda adjeu dei, a ndak á le glangâsâ kan ala an naduk adesâ hi suma a nga tit ad’u gat mamid’a bei d’es sei nde ba na, nala, aduk adesâ hi Fariziyênina mi.

Sunda hi suma a sunuzinid’a 26:5 Kruisverwysings

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

Sunda hi suma a sunuzinid’a 22:3

An ni ma Juif-fâ, a vud’un ni kur Tarsis sa Silisi-d’a. Wani a wulun ni ka hî kur Jerusalem. Gamaliyel ni ma had’an ad’u gata habuyoi ngolo d’a d’ingêra. Tan nga d’i lan zlezleû yam Alona d’igi agi tagi nga d’i lagi zlezleû ini na mi.

Sunda hi suma a sunuzinid’a 22:5

Ma ngol ma ngat buzuna ki suma nglona pet a ndak á le glangâsâ kanu, kayam an ve mbaktumba nabozi á i ata b’oziyoi Juif suma Damas-sâ, kayam le an ni fe suma a he gagazid’ina ni, an ni yozi ni mbazi Jerusalem á lazi ndaka.

Sunda hi suma a sunuzinid’a 23:6

Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Sunda hi suma a sunuzinid’a 24:14

Wani an nga ni dang ngei mbak an nga ni kud’or Alona habuyomi ngolona kur lovot ta awili d’a azi nga de kat ala ni lovot ta ata yat tuo d’a. An nga ni he gagazid’a yam ahlena pet suma gata ki suma djok vun Alona a dazina mi.

Sunda hi suma a sunuzinid’a 24:5

Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.