Sunda hi suma a sunuzinid’a 24:5 - Bible azumeina

⁵ Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.

Sunda hi suma a sunuzinid’a 24:5 Kruisverwysings

Ester 3:8

Haman mi de mamulâ Asuwerus ala: Andjaf suma dingâ a nga. A b’rau nga woi aduk suma kur ambas mangina pet, gat mazid’a ni vat zenen ki d’a hi suma pet, a nga tit yam gat manga d’uo mi. Le ang arazi hawa na ni, djivi mata ni me ge?

Jeremi 37:13

Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Amos 7:10

Amasiya ma ngat buzu ma Betel-lâ, mi ge sunda mi de mi Jerobowam amul ma Israel-lâ ala: Amos mi ndjak vuna kang aduk Israel-lâ. Suma kur ambasa a ndak á ve tazi yam zla mam ndata pet ti.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Marik 1:24

Jesus ma Nazarat-na, vama ndolong ki sed’emi ni me ge? Ang mba á bami woi zu? An wang tetet ala angî Ma bei tcho ma Alona sunungîna.

Wana ni Zla d’a Djivi d’a Luc mi b’irita 23:19

Avok suma Romê-na a ge Barabas dangeina kayam nga mi zut suma á tchol huneîd’a ki suma te yamba hur azina, mi tchi matna mi.

Wana ni Zla d’a Djivi d’a Luc mi b’irita 23:2

Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.

Wana ni Zla d’a Djivi d’a Luc mi b’irita 23:25

Mi ge sama suma Romê-na a gum kur dangeinina akulo, ni ma zut suma a tchol huneîd’a ki suma te yamba hur azinina, mi tchi matna mi, ni ma azi tchenem kam ala mi gazizi akulona. Wani mi hazi Jesus á lum vama huruzi mina.

Wana ni Zla d’a Djivi d’a Luc mi b’irita 23:5

Wani a de ki delezi akulo ala: Nga mi hle djib’era hi sumid’a akulo, nga mi hat kur ambas sa Jude-d’a pet, tin ad’ud’a yam andaga d’a Galile-d’a dei gak mba ka hî.

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

Sunda hi suma a sunuzinid’a 21:28

A er ad’uzi akulo ala: Agi Israel-lâ, agi mbeï ndjunumiya. Wana ni sama nga mi tchi wala ata yina pet ala suma a noî Israel-lâ ki gata hi Moise-sa ki gong nga kud’ora hAlona d’a wanda woi mi na. Wani ki tchetchemba, mi mbeï wa kandjaf suma dingâ kur gong nga kud’ora hAlonid’a á mbut yi mei ma a tinim iram vama ndjendjed’a.

Sunda hi suma a sunuzinid’a 22:22

Suma a hum Paul gak ata yima mi mba ata zla ndatina. Ata yi máma, a er ad’uzi akulo ala: Sama hina na, tchum mbeyo, mi ndak á kak karid’a d’i.

Sunda hi suma a sunuzinid’a 24:14

Wani an nga ni dang ngei mbak an nga ni kud’or Alona habuyomi ngolona kur lovot ta awili d’a azi nga de kat ala ni lovot ta ata yat tuo d’a. An nga ni he gagazid’a yam ahlena pet suma gata ki suma djok vun Alona a dazina mi.

Sunda hi suma a sunuzinid’a 24:4

Wani kayam an min kalang yang ngi, an nga ni tchenengû, ang hum zla mami d’a ded’a nde ki djivid’a.

Sunda hi suma a sunuzinid’a 25:7

Kid’a Paul mi mbad’a, Juif suma a tcholï Jerusalem-ma a nguyumu. A tchugum zlad’a kam ngola, wani azi ndak á fe vama tak kei abu ala zla d’a azi tchuguzi kamba ni zla d’a gagazid’a d’a d’i.

Sunda hi suma a sunuzinid’a 26:5

Azi pet a wan tit manda adjeu dei, a ndak á le glangâsâ kan ala an naduk adesâ hi suma a nga tit ad’u gat mamid’a bei d’es sei nde ba na, nala, aduk adesâ hi Fariziyênina mi.

Sunda hi suma a sunuzinid’a 28:22

Wani ami min humumi zla d’a avunang nga ang djib’eret kurunga. Kayam ami wami suma a nga kak djangûna kandjaf hat ta ang nga had’ata ata yina pet.

Sunda hi suma a sunuzinid’a 5:17

Wani ma ngol ma ngat buzuna ki suma a nga ki sed’ema pet, nala, suma a nga ad’u Sadusiyênina, a le yungôra yam suma a sunuzina heî.

Sunda hi suma a sunuzinid’a 6:13

A yoï suma glangâs suma ka zlad’a suma a dala: Sa máma mi ar nga á de zla d’a tchod’a yam gong mei d’a kud’ora hAlonid’a ki gata hi Moise-sa d’i.

1 Korente-na 11:19

Djivid’a wala mba adigagi hina á we suma gagazi suma adigagina.

1 Korente-na 4:13

Ata yima azi nga de zla d’a tchod’a kamina, ami nga dazi zlad’a ki lulumad’a. Gak ini, a nga golomi ni d’igi djimgilâ hi duniyad’ina na, d’igi vama ndjendjed’a na mi.

1 Pierre 2:19

Wani le sana mi ve tam ad’enga kur ndaka kayamba mam ge yam kä avok Alonid’a ni, Alona mba mi suburumu.