Sunda hi suma a sunuzinid’a 24:24 - Bible azumeina

²⁴ Bugol bur ma dingâ, Felix mi mba kamamba Drusil, ni d’a Juif-fa. Mi ge sunda á hal Paul á hum zla d’a de d’a mam nga mi dat yam he gagazi d’a yam Jesus Christ-sa.

Sunda hi suma a sunuzinid’a 24:24 Kruisverwysings

Marik 6:20

kayam Herot nga mi le mandara Jean, kayam mi wumu, ni sama d’ingêrâ, ni ma yed’etna mi. Mi ngomom djivid’a. Ata yima Herot mi hum zla mambina, nga mi djib’er kat ngola, nga mi humum ki furîd’a mi.

Wana ni Zla d’a Djivi d’a Luc mi b’irita 19:3

Mi hal lovota á we Jesus mi ni nana ge? Wani mi ndak á wum mbi abo ablau suma, kayam mam mi sama gid’engâ.

Wana ni Zla d’a Djivi d’a Luc mi b’irita 23:8

Kid’a Herot mi we Jesus-d’a, mi le furîd’a heî, kayam burâ ngola mam min ala mi wum kayam mam nga mi hum zla mamba, nga mi tin hurum á wum kayam mi lum ahle suma ndandalâ mi.

Sunda hi suma a sunuzinid’a 16:31

Azi dum ala: Ang he gagazid’a mi Salad’a Jesus, ang mba fe suta ki suma avo hatangâ pet.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Sunda hi suma a sunuzinid’a 24:25

Wani kid’a Paul mi dum zla d’a yam tit ta d’ingêrid’a, yam ve ta d’a yam hliu tad’id’a, yam sariya d’a nga d’i mbad’a mi d’a, Felix mi le mandarâ ngola. Mi hulong dum ala: Ki tchetchemba, ang iya; fata an fe wa lovota ni, an mba ni yangî tua.

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Galat-na 3:2

an nga ni djobogi va tu. Na ni agi fagi Muzu’â hAlonina ni yam sunda hi gat ta agi lata, d’oze ni yam Zla d’a Djivi d’a agi humut ta agi hagi gagazid’a kata zu?

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

Vama ndum mbeina 14:12

Wana ni ve tad’a hi suma hAlona suma a ge yazi kä ad’u vun ma he mama suma d’engzeng yam Jesus-na.