Sunda hi suma a sunuzinid’a 24:16 - Bible azumeina

¹⁶ Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Sunda hi suma a sunuzinid’a 24:16 Kruisverwysings

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Romê-na 2:15

Tit mazid’a nga d’i tak sunda hi gata d’a nga b’ira kuruzid’a woyo, djib’er mazi d’a kuruzid’a nga d’i tagazi hina mi. Djib’er mazid’a nga d’i vazi ki zlad’a, nga d’i pad’azi woi kur zlad’a mi.

Romê-na 9:1

An sana hi Christ-sâ nga ni de zla d’a gagazid’a, bei ka zla d’a ba d’a. Djib’er man nda krovod’a nga d’i le glangâsâ kan yam ad’enga hi Muzuk ma bei tchod’a ba nid’a ala ni gagazi.

1 Korente-na 10:32

Ar agi lagi vama dap asem Juif-fâ d’oze andjaf suma dingâ d’oze Toka hAlonid’a d’uo mi.

1 Korente-na 4:4

Kayam an we tetet ala zla nga kan ndi, wani ni kayam ndata ba, an ni ma bei zlad’a kana d’i. Salad’a ni sama kan sariya kana.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Timote 1:19

Ar ang ngom he gagazid’a ki djib’er ra djivi d’a kurung krovod’a. Kayam suma dingâ a ar wa lovot ndata woyo, a hlup wa he gagazi mazid’a kä d’igi alumba ti hlup kä aduk mbina na.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

1 Timote 3:9

Ni suma a nga ngom zla d’a muduri d’a gagazi d’a ndat tei d’a hi he gagazid’a ki djib’er ra krovo d’a djivid’ina.

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.

Wana ni mbaktum mba Paul mi b’irit mi Tit-ta 1:15

Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 13:18

Agi tchenegi kamiya, kayam ami wami tetet, djib’er mami d’a kurumid’a ni djivid’a. Ami min á lami ahlena pet ata yaziya.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

1 Pierre 2:19

Wani le sana mi ve tam ad’enga kur ndaka kayamba mam ge yam kä avok Alonid’a ni, Alona mba mi suburumu.

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.