Sunda hi suma a sunuzinid’a 23:6 - Bible azumeina

⁶ Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Sunda hi suma a sunuzinid’a 23:6 Kruisverwysings

Matiye 10:16

Jesus mi dazi kua ala: Gola! An sunugi ni d’igi tumiyôna na aduk ngûna. Agi kagagi ki ned’a d’igi guguyona na, agi kagagi kukud’uk d’igi gugud’a na mi.

Matiye 22:23

Kur bur máma, Sadusiyê suma a nga dala suma matna a mba tchol akulo d’uo na, a mba ata Jesus, a djobom ala:

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Sunda hi suma a sunuzinid’a 22:3

An ni ma Juif-fâ, a vud’un ni kur Tarsis sa Silisi-d’a. Wani a wulun ni ka hî kur Jerusalem. Gamaliyel ni ma had’an ad’u gata habuyoi ngolo d’a d’ingêra. Tan nga d’i lan zlezleû yam Alona d’igi agi tagi nga d’i lagi zlezleû ini na mi.

Sunda hi suma a sunuzinid’a 22:30

Tcha ndjivinda ma ngol ma kalâ mi min á we woi tetet ni kayam me ba, Juif-fâ a kal yam Paul ge? Kayam ndata, mi bud’um mbeyo, mi he vuna mi nglo suma ngat buzuna ki suma nglo suma b’ak zlad’a ala a togï pepet. Mam mba ki Paul avoroziya.

Sunda hi suma a sunuzinid’a 22:5

Ma ngol ma ngat buzuna ki suma nglona pet a ndak á le glangâsâ kanu, kayam an ve mbaktumba nabozi á i ata b’oziyoi Juif suma Damas-sâ, kayam le an ni fe suma a he gagazid’ina ni, an ni yozi ni mbazi Jerusalem á lazi ndaka.

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Sunda hi suma a sunuzinid’a 23:15

Kayam ndata, agi zlabagi ki suma nglo suma b’ak zlad’a pet, agi sunugi gen ma ngolâ hi azigarîna, mi mbeyegï Paul. Agi dum ala agi minigi á fek ad’u zla mamba fek ka kala. Avok bei mam mbaza hî d’a, ami tami minimi tami á tchum aduk glovod’o.

Sunda hi suma a sunuzinid’a 23:20

Gor azong máma mi dum ala: Juif-fâ a min tazi á djobong á i ki Paul ndjivin ata yima bak zlad’a, d’igi azi min á djop ad’u zla mamba tetet na.

Sunda hi suma a sunuzinid’a 23:7

Kid’a mi de hina dad’a, tuguyod’a tchol aduk Fariziyêna ki Sadusiyêna, ablau suma a wal kä mbà.

Sunda hi suma a sunuzinid’a 24:15

An tin hurun yam Alona d’igi azi tazid’a a tin huruzi na á djup tchol la akulod’a hi suma d’ingêrâ ki suma bei d’ingêrâ aduk suma matnid’a.

Sunda hi suma a sunuzinid’a 24:21

Dam ni kur zla d’a tu d’a an dat ki delen akulo kid’a an nga tchola adigazi ala: Ni kayam tchol la akulod’a hi suma matnid’a ba, an nga tchola ini avorogi ata yima ka sariyad’a wana d’a kla.

Sunda hi suma a sunuzinid’a 28:20

Ni kayam ndata ba, an yagi á wagiya, á dagi zlad’a mi. Ni kayam hur ma tinda hi Israel-lîna ba, a djinin ki kindjingâ wana.

Filip-ma 3:5

A vud’un an le burâ klavandi a ngad’an bayâd’a, an ni gor vuta hi Israel-lîd’a, an nandjafâ hi Benjamin-na, an ni gor vuta hi Hebre-nid’a. Yam zla d’a ngom gata hi Juif-fîd’a, an ni ma Fariziyêna.

Kolos-sâ 1:5

Kayam ndata, agi tinigi hurugi yam vama Alona nga mi ngomom sä akulo kagina. Ni vama agi humum zlam avok dei ata yima a tchagi wal zla d’a gagazid’ina, nala, Zla d’a Djivid’a.

Hebre-na 6:19

Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.