Sunda hi suma a sunuzinid’a 23:15 - Bible azumeina

¹⁵ Kayam ndata, agi zlabagi ki suma nglo suma b’ak zlad’a pet, agi sunugi gen ma ngolâ hi azigarîna, mi mbeyegï Paul. Agi dum ala agi minigi á fek ad’u zla mamba fek ka kala. Avok bei mam mbaza hî d’a, ami tami minimi tami á tchum aduk glovod’o.

Sunda hi suma a sunuzinid’a 23:15 Kruisverwysings

2 Samuel 13:5

Jonadap mi dum ala: Ang ve tang tugud’eid’a, ang i bur kä yam azang mangâ. Le abung mi mba á d’ungû ni, ang dum ala: Ang ar wiyenda Tamar ti mbei d’i lan tena avoron ka hî, kayam an ni vum abot ni tumu.

Sawal la giled’a 21:11

Ang mba dabazi grozina tchid’a woi yam andagad’a, ang mba dabazi andjavazi tchid’a woi aduk suma mi.

Zla d’a d’ogolâ 1:16

Asezi mafefeta á le tchod’a, a nga b’at tazi á tchi suma woi mi.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Jean 18:12

Ata yi máma, azigarâ adesâ ki ma ngol mazina ki suma ngom yina hi Juif-fîna, a ve Jesus, a djinimu.

Sunda hi suma a sunuzinid’a 22:30

Tcha ndjivinda ma ngol ma kalâ mi min á we woi tetet ni kayam me ba, Juif-fâ a kal yam Paul ge? Kayam ndata, mi bud’um mbeyo, mi he vuna mi nglo suma ngat buzuna ki suma nglo suma b’ak zlad’a ala a togï pepet. Mam mba ki Paul avoroziya.

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Sunda hi suma a sunuzinid’a 23:6

Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Sunda hi suma a sunuzinid’a 25:3

mi lazi djivid’a, mi ge sunda á mba ki Paul Jerusalem. Azi gun wa tazi á tchum glovod’o.