Sunda hi suma a sunuzinid’a 23:12 - Bible azumeina

¹² Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Sunda hi suma a sunuzinid’a 23:12 Kruisverwysings

Ad’u Tinda 37:18

Kid’a azi wumî dei bei mi mba gevezi tua d’a, azi ndjak vunazi kam á tchid’a.

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

2 Amuleina 6:31

Mi er ad’um akulo ala: Le yam Elise Safat goroma bur ini bei ngata ni, Alona mi mban ndak ka ngol la kala kanu!

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Ester 2:22

Mardose mi hum zla ndata, mi dat mamula Ester. Ester ti i de zla ndata mamulâ ala: Mardose mi dat na.

Sawal la giled’a 31:13

Azi mar kan d’igi sama mit teina na; an mbut ni d’igi vama ba woina na.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Jeremi 44:25

Ma didin ma ad’engêm kal petna, Alona hi Israel-lîna, mi dala: Agi kamiyôgina, agi lagi sunda kabogi ndagagi vun vama mi ndavunagi ala: Ami min ndagami vun vun ma hle ma ami hlamizina, ami ngalami dubang ma his djivid’ina ki süm guguzlud’a mamul la akulod’a na. Agi tchologi yam vun magi ma hled’a memet, agi ndagagi vun vun magi ma hled’a mi!

Sunda hi suma hi Levi-nid’a 27:29

Sama a tinim iram vam mi an Ma didina ki iram fafatna, sana mi ndak á wurak kam mbei d’i, wani a tchumî woyo.

Matiye 26:4

A ndjak vunazi yam Jesus ni nana ba, azi vum ki lemba á tchum mbei ge?

Matiye 26:74

Wani mi nde yahlena kamu, mi gun tam ala: An we nga sa máma d’i. Ata yi máma na wat, ahle’â mi hela.

Matiye 27:25

Ablau suma pet a hulong dum ala: Ar buzuwam kak kami ki gromina mi.

Sunda hi suma a sunuzinid’a 23:13

Suma a gun tazina, a kal dok fid’i.

Sunda hi suma a sunuzinid’a 23:14

Azi mbaza gen nglo suma ngat buzuna ki suma nglona, a dazi ala: Ami gunumi tami ki gun nda tchod’a ala ami tami va d’i gak ami tchami Paul mbeî tua.

Sunda hi suma a sunuzinid’a 23:21

Wani ang humuzi d’i, kayam suma a ngei nga tazi á tchumu, ablawazi kal suma dok fid’i. Azi gun tazi ala azi te d’oze tche va d’uo mi, gak azi tchum mbeî tua. Ki tchetchemba, azi min wa tazi da’, azi djup mi zla ma anga.

Sunda hi suma a sunuzinid’a 23:30

Kid’a a dan ala a min nga tazi gumun á tchumu d’a, an sunungzi sä atogo zak wana. An de mi suma kal kama ala azi i kal sä kam sä avorongû.

Sunda hi suma a sunuzinid’a 25:3

mi lazi djivid’a, mi ge sunda á mba ki Paul Jerusalem. Azi gun wa tazi á tchum glovod’o.

Sunda hi suma a sunuzinid’a 9:23

Bugol la burâ kal ngola dad’a, Juif-fâ a ndjak vunazi ala a tchi Saul leyo.

Sunda hi suma a sunuzinid’a 9:24

A nga ndjol vun gulumuna kandjege ki faleya ala a tchumu, wani Saul mi we lem mazid’a tcha.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Josue 6:26

Ata yi máma Josue mi dazi zlad’a kad’enga ki gun tad’a yam Jeriko ala: Ar Ma didina mi ge sama mi min á min azì ma ngol ma Jeriko-na akulona vuna. Mba mi gum ad’umî ki mad’a gorom ma ngolâ, mba mi dugum vunam akulo ni ki mad’a gorom ma gorâ mi.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Josue 7:15

Sama an Ma didina mba ni gum ad’um mbei ni fahle suma an Ma didina ni d’el kazina avo hatama, a mba ngalam mbei kakud’a kahle mama pet, kayam mi but vun ma djinda hi an Ma didinina woyo, mi le ni tchod’a aduk Israel-lâ mi.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.