Sunda hi suma a sunuzinid’a 23:10 - Bible azumeina

¹⁰ Ata yima tuguyo mazid’a nga d’i i avogovo’â, ma ngolâ hi azigarîna mi le mandarâ, kayam dam azi mba pau ini Paul leyo. Kayam ndata, mi he vuna mi azigarâ á surop kä á vumî kad’enga adigaziya, a mba ki sed’em hur gegerâ.

Sunda hi suma a sunuzinid’a 23:10 Kruisverwysings

Sawal la giled’a 50:22

Agi suma maragi kana, agi wagi djiviya, le d’uo ni, an mba ni kizagagi woi kikizak bei sa mi prud’ugi woi abon ba.

Sawal la giled’a 7:2

Ma didina, Alo mana, an nga ni hal yima ngeid’a natangû, ang sud’un ndei abo suma pet suma a nga djobon vunana, ang prud’un ndeyo.

Mise 3:3

Agi nga tagi hliwa sum mana, agi nga hôgizi babagizi woyo, agi nga kuzugizi asogozi woyo, agi nga tchalagizi woi d’igi hliu ma a tinim aku kur deinina na.

Sunda hi suma a sunuzinid’a 21:37

Ata yima azi nga i ki Paul kur gegerîna, Paul mi de mi ma ngolâ hi azigarîna ala: Ang aran lovota á dang zlad’a zu? Mi djobom ala: Ang we vun Gre’â zu?

Sunda hi suma a sunuzinid’a 22:24

Ma ngolâ hi azigar suma Romê-nina, mi he vuna mi azigar mama ala a mbeï ki sed’em hur gegerâ. Mi dazi ala a djobom ad’u zla mamba ki tod’a, ni hina ba, mam wäd’u vama ablau suma a nga siwel kama.

Sunda hi suma a sunuzinid’a 23:16

Wani Paul ndjazum mi hum zla mazi d’a gumunda. Mi i hur gegerâ, mi kal kua, mi de zla ndata mi Paul.

Sunda hi suma a sunuzinid’a 23:27

Juif-fâ a ve sama wana, a ar go a tchumu. Ata yi máma, an mbaza atazi ki azigarâ, an prud’umu, kayam an hum ala ni ma Romê-na.

Sunda hi suma a sunuzinid’a 23:28

Kayam an min á we ni kayam me ba, azi kal kam ge, an i ki sed’em ata yi mazi ma bak zlad’a.

Sunda hi suma a sunuzinid’a 23:32

Tcha ndjivinda azi ar suma akulumeina a i ki sed’emu, azi hulongî hur gegerâ.

Sunda hi suma a sunuzinid’a 24:7

Wani ma ngolâ hi azigarîna, Lisiyas, mi mba atamiya, mi b’ad’am abomi kad’enga ngola.

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Jacques 3:14

Wani le yungôr ma tchona ki huneîd’a a nga kurugiya ni, ar agi suburugi tagi yam gagazid’a d’i, agi kagi zlad’a kat tuo mi.