Sunda hi suma a sunuzinid’a 22:1 - Bible azumeina

¹ B’oziyona kabuyonu, agi humugi ad’u zla man nda an nga ni dagi ki tchetchem wandid’a.

Sunda hi suma a sunuzinid’a 22:1 Kruisverwysings

Wana ni Zla d’a Djivi d’a Luc mi b’irita 12:11

Fata azi mba igi avok suma ka sariyad’a kur gongîyo mazi suma toka d’oze avok amuleina d’oze avok suma te yambid’a, ar vunadigagi pat yam vama agi mba duma tala agi mba dagi nana ge d’a d’i.

Wana ni Zla d’a Djivi d’a Luc mi b’irita 21:14

Kayam ndata, agi djib’eregi kurugi avok yam zla d’a de d’a agi mba dazizid’a d’i.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Sunda hi suma a sunuzinid’a 19:33

Juif-fâ a tin Alezandre kä avok suma. Kayam ndata, ablau suma a vumu. Alezandre mi lazi abomu, mi min á vazi ad’u zla mamba.

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Sunda hi suma a sunuzinid’a 23:6

Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Sunda hi suma a sunuzinid’a 24:10

Kid’a ma te yamba mi labom mi Paul á de zlad’id’a, Paul mi hulong dum ala: Kayam an wangû, angî ma ka sariyad’a handjaf ma wana bizad’a ngola, tan lan djivid’a á vang ad’u zla manda.

Sunda hi suma a sunuzinid’a 25:16

An hulong ni dazi ala: Gata hi Romê-nid’a ti arazi nga lovota á he sana á tchid’a bei a zlabam ki suma a tchugum zlad’a kama, bei mi väd’u zla mam mba a tchugumzi kamba woi d’i.

Sunda hi suma a sunuzinid’a 25:8

Ata yi máma, Paul nga mi väd’u zla mamba. Mi dala: An le nga tcho d’a kak djangûna ki gata hi Juif-fîd’a d’oze gong nga kud’ora hAlonid’a d’oze ki ma te yamba Sesar ruo mi.

Sunda hi suma a sunuzinid’a 26:24

Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.

Sunda hi suma a sunuzinid’a 28:17

Bugol burâ hindi, Paul mi yi suma nglona hi Juif-fîna. Ata yima azi to’â, mi dazi ala: B’oziyona, an le nga vama kak djangûna ki Juif-fâ d’oze ki zlad’a hi simiyeîd’a d’uo pî, Juif-fâ a gan dangeina avo Jerusalem, a han abo Romê-na.

Sunda hi suma a sunuzinid’a 7:2

Etienne mi hulong mi dala: B’oziyona kabuyonu, agi humugiya. Alo ma subura mi nde tam ir abui ngolo Abraham kid’a mi nga Mesopotami avok ka mam bei i kak kur Haran tua d’a.

Romê-na 2:15

Tit mazid’a nga d’i tak sunda hi gata d’a nga b’ira kuruzid’a woyo, djib’er mazi d’a kuruzid’a nga d’i tagazi hina mi. Djib’er mazid’a nga d’i vazi ki zlad’a, nga d’i pad’azi woi kur zlad’a mi.

1 Korente-na 9:3

Wana ni zla d’a an nga ni hulongôt mi suma a nga hal á van ki zlad’ina:

2 Korente-na 12:19

Gak ini agi nga djib’eregi ala ami halami ná pad’ami zlad’a woi kami avorogiya zu? Nga na d’i! Ami dami yam minda hi Christ-sa avok Alona. Buniyômi suma od’a, ami lami hina pet á wulugi akulo kur he gagazid’a.

2 Korente-na 7:11

Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

Filip-ma 1:17

Wani suma dingâ a nga tchi wal zlad’a hi Christ-sa bei gagazid’a ki tuguyod’a. Azi djib’er ala azi mban ndaka kan kua kur dangei mana.

Filip-ma 1:7

Ni djivid’a an djib’er kagi pet hina, kayam an hurun vagi heî. Kayam agi nga zlapa ki sed’en yam sun nda djivi d’a Alona mi handji ki tchetchemba ata yima an nga kur dangeinina, ata yima an nga hawana, ata yima an nga ni tchi wal Zla d’a Djivid’ina mi.

2 Timote 4:16

Wani ata yima sariya man nda avoka, sa nga ki sed’en ndi, wani azi pet a aranu. Ar Alona mi ndum tcho ndata kazi d’i.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,