Sunda hi suma a sunuzinid’a 20:3 - Bible azumeina

³ Bugola, mi i yam ambas sa Gres-sa, mi kak sä kua tilâ hindi. Kid’a mi min á djak kur batod’a á i Siri-d’a, Juif-fâ a ndjak vunazi á vumu. Kayam ndata, mi nga hurum á hulong ki lovot ta Maseduwan-nda.

Sunda hi suma a sunuzinid’a 20:3 Kruisverwysings

Esdras 8:31

Ami tcholomi avun alum ma Ahava-na kur bur ma dogo yam mbàna hi til ma avo’â á i Jerusalem. Alo meina iram nga tinda kami á ngomomi abo mami suma djangûna, abo suma pet suma a nga burumi kä glovotna mi.

Zla d’a d’ogolâ 1:11

Ata yima a dang ala: Ang mbeï i ki sed’emi ei i buri suma kä á tchaziya, ei i ndei suma bei zlad’a kazina ayîna,

Jeremi 5:26

Kayam suma asa’atna a nga aduk sum mana. Azi ni d’igi suma a nga tchiget á gun dauna kä a vik aluweinina na, a nga gun abeid’a kä, a nga vik suma mi.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Sunda hi suma a sunuzinid’a 16:12

Ami tcholomi kua, imi kur azì ma Filip-ma. Ni azì ma ngol ma avo’â kur ambas sa Maseduwan-nda, nandagad’a hi Romê-nid’a mi. Ami lami burâ ablaud’a kur azì ma ngol máma.

Sunda hi suma a sunuzinid’a 16:9

Kur andjege ndata, vana nde tam mbei ir Paul. Mi we sama Maseduwan-na mi nga tchola, nga mi tchenem ala: Ang mbeï Maseduwan, ang ndjunumiya.

Sunda hi suma a sunuzinid’a 18:18

Paul mi kak kua burâ ngola. Ata yi máma, mi ge b’oziyoina depa, mi djak kur batod’a á i Siri zlapa ki Prisil ki Akila. Paul mi wel yam mbei avo Sengkre, kayam mi hle vunam mAlona da’.

Sunda hi suma a sunuzinid’a 19:21

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 20:1

Kid’a yalâ ba dad’a, Paul mi tok suma a he gagazid’ina. Bugol la mi gigid’ezi gigeta, mi gazi depa, mi tchol á i Maseduwan.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 20:2

Kid’a mi tit yam andaga ndata peta, mi giget suma d’engzengâ ki wal mam mba tchid’a ngola.

Sunda hi suma a sunuzinid’a 21:3

Kid’a ami mbami go ki til la Sipre-d’id’a, ami arat yam bigami d’a gulad’a, ami kalami gak mba mi sä Siri. Ami tchugumi asemi avo Tir; ni kua ba, azi mba yo ahlena hi batod’ina kä woyo.

Sunda hi suma a sunuzinid’a 25:3

mi lazi djivid’a, mi ge sunda á mba ki Paul Jerusalem. Azi gun wa tazi á tchum glovod’o.

2 Korente-na 1:15

Kayam ndata, an tin wa hurun ala an mba ni iza avok hatagi tua, kayam agi fagi djivid’a yagi á mbàd’a.

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

2 Korente-na 7:5

Wani kid’a ami mbami yam ambas sa Maseduwan-nda, ami fami nga yima tuk tamina d’i, kayam ami fami ndaka ata yima lara ge pet. Ami nga durumi woi abu ki suma pet, wani kurumi krovo ni mandarâ.

Galat-na 1:21

Bugola, an i yam andaga d’a Siri-d’a ki d’a Silisi-d’a.