Sunda hi suma a sunuzinid’a 2:46 - Bible azumeina

⁴⁶ Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Sunda hi suma a sunuzinid’a 2:46 Kruisverwysings

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Sawal la giled’a 86:11

Ma didina, ang had’an lovot manga; an mba ni tit kur gagazi manga; ang han hur ma lulumana kayam an ringîng mandarangû.

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Matiye 6:22

Jesus mi had’azi kua ala: Ira ni d’igi lalamba hi tad’id’a na. Le irang nga lafiya ni, tang pet ni b’od’a.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Wana ni Zla d’a Djivi d’a Luc mi b’irita 24:30

Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya.

Wana ni Zla d’a Djivi d’a Luc mi b’irita 24:53

Burâ ki burâ azi nga kur gong nga kud’ora hAlonid’a, a nga gile Alona mi.

Sunda hi suma a sunuzinid’a 16:34

Mi i ki Paul azi ki Silas avo hatamu, mi hazi tena, mi le furîd’a zlapa ki suma avo hatama pet, kayam azi he gagazid’a yam Alona.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Sunda hi suma a sunuzinid’a 20:7

Kur bur ma dimasâ, kid’a ami nga toka á mbruk avungônid’a, Paul mi had’azi zlad’a ngola. Kayam mi nga hurum ala le yina mi fo wa ni, mam iya, mi dazi zlad’a gak andjege dangâla.

Sunda hi suma a sunuzinid’a 3:1

Pierre azi ki Jean a nga i kur gong nga kud’ora hAlonid’a ki fladege d’a afata tchuk siyata á tchen Alona.

Sunda hi suma a sunuzinid’a 5:21

Ata yima suma a sunuzina a hum zla ndatina, a kal kur gong nga kud’ora hAlonid’a ki yorogo tcholola, a nga hat suma. Ma ngol ma ngat buzuna ki suma a nga ki sed’ema a mba, a yï suma b’ak zlad’a ki nglo suma toka hi Israel-lîna pet. A sun suma á halï suma a sunuzina kur gong nga dangeina.

Sunda hi suma a sunuzinid’a 5:42

Bur ma lara pî, azi nga kur gong nga kud’ora hAlonid’a d’oze kur azina hi sumina, a ar nga bei hat suma d’oze bei tchi wal Zla d’a Djivid’a hi Jesus Christ-sa d’uo mi.

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

1 Korente-na 10:16

Agi djib’eregi yam kop ma ei nga lei mersi mAlona kama. Ata yima ei nga tchuma, ei lei ni darigïd’a ki buzuna hi Christ-sâ d’uo zu? Avungô ma ei nga mbruguma, ata yima ei nga tuma, ei lei ni darigïd’a ki hliuna hi Christ-sâ d’uo zu?

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

Efes-sâ 6:5

Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.

Gat ta a hat á mbàd’id’a 12:12

Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.