Sunda hi suma a sunuzinid’a 2:27 - Bible azumeina

²⁷ kayam ang mba aran kä ata yima azuleina d’i, ang mba aran ma ang tinin iran vana kä kur zula á tchimba d’i.

Sunda hi suma a sunuzinid’a 2:27 Kruisverwysings

Sawal la giled’a 116:3

Matna mi d’ud’un wa ki ziyo mama; mandarâ hi yima azuleinina, mi van wa; djop vuna ki kid’eî ira a van wa mi.

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Sawal la giled’a 49:15

Azi ni d’igi ades tumiyô suma a izi á ngad’azina na; matna mba mi te kaziya, ar go suma d’ingêrâ a mba mired’ezi kä kaseziya. Djif mazina mba mi kal leyo, yima azuleina mba mi mbut ni yi mazi ma kaka.

Sawal la giled’a 86:13

Kayam o mang nga didin nda ang lat kanda, ti kal ngola heî; kayam ang prud’un ndei ata yima azuleina mi.

Sawal la giled’a 89:19

Ma didina, angî mbarei mamid’a, angî ma tin tang irat vat yam suma Israel-lîna, angî amul mamina mi.

Jonas 2:6

Mbina mi mban kelen ta, alum ma ngolâ mi hlubunu, tchereuna mi heben yan kä mi.

Matiye 11:23

Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo. Kayam an ladjï le sun nda ndandala aduk suma Sodom-ma d’igi an lat adigagi na ni, Sodom mbi nga gak ini tua.

Marik 1:24

Jesus ma Nazarat-na, vama ndolong ki sed’emi ni me ge? Ang mba á bami woi zu? An wang tetet ala angî Ma bei tcho ma Alona sunungîna.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 16:23

Nga mi fe ndaka ata yima azuleina. Mi hle iram akulo, mi we Abraham sä woi hina dei, Lazar sä gevem mi.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Wana ni Zla d’a Djivi d’a Luc mi b’irita 4:34

Hei, Jesus ma Nazarat-na, vama ndolong ki ami ni me ge? Ang mba á bami woi zu? An wang tetet, angî Ma bei tcho ma Alona sunungîna.

Jean 11:39

Jesus mi dazi ala: Agi ligad’agi ahinad’a woyo. Marta ma mitna wiyemba, ti dum ala: Salana, mi bu da’, kayam mi le burâ fid’i.

Sunda hi suma a sunuzinid’a 2:26

Ni kayam ndata ba, an nga ki hur ma hapma, tan nga d’i lan djivid’a, tan mba d’i tuk halas kayam an ni tin hurun ni kangû,

Sunda hi suma a sunuzinid’a 2:28

Ang tagan lovot ta i kur arid’id’a. Ang mba oyôn ki furîd’a avorong mi.

Sunda hi suma a sunuzinid’a 2:31

Kayam mi we zla ndata avogo, mi de zla d’a yam tchola hi Mesi-d’a akulo aduk suma matnid’a ala: A aram nga kä ata yima azuleina d’i, hliwim tchim nga d’uo mi.

Sunda hi suma a sunuzinid’a 3:14

Wani agi noyôgi Ma bei tchod’a ma d’ingêrâ, agi tchenegi Pilat ala mi gagi ma tchi matna akulo.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

1 Korente-na 15:55

Ang matna, ayî mang ma kusa mi nga ni lara ge? Ang matna, ad’engêng ti nga ni lara ge?

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 20:13

Alum ma ngolâ nga mi buzuk ki suma bo kuruma. Matna ki yina hi suma azuleinina a buzuk ki suma azi ngomozina mi. A kazi sariyad’a kazi pet, ndak yam ahle suma azi lazina.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: