Sunda hi suma a sunuzinid’a 2:23 - Bible azumeina

²³ Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 2:23 Kruisverwysings

Ad’u Tinda 50:20

Agi min á lan tchod’a, wani Alona mi mbud’ut tei djivid’a, gak mi sut ini andjaf suma ablaud’a d’igi agi wagi ini na.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Matiye 20:19

Azi mba han abo andjaf suma bei wAlona. Sum ndazina a mba lazanu, a mba ton ki blafâ, a mba b’alan akulo ata agu ma b’ala mi. Wani kur bur ma hindina, an mba ni tchol akulo aduk suma matna.

Matiye 26:24

An Gor Sana nga ni i á matna d’igi a b’ir kan kur mbaktumba hAlonid’a na. Wani ni zla d’a hohoud’a yam sama kol ma mba mi han an Gor Sana abo sumina. Sa máma ladjï a vud’um mbuo pî ni, hotei.

Matiye 27:35

Bugola, a b’alam akulo ata aguna, a b’rau baru mama aduk taziya, a tum gumara kad’u.

Marik 15:24

A b’alam akulo ata aguna, a b’rau baru mamba abo taziya, a tum gumara kad’u.

Wana ni Zla d’a Djivi d’a Luc mi b’irita 22:22

Kayam an Gor Sana mba ni mit d’igi Alona mi ngandji kan na, wani ni zla d’a hohoud’a yam sama mi han abo sumina.

Wana ni Zla d’a Djivi d’a Luc mi b’irita 22:37

Kayam an nga ni dagiya, mbeî ahle suma a b’irizi kur mbaktumba hAlonid’a kan ala: A ndumum zlapa ki suma tchila yam gata na, a ndaga. Ahle suma b’irizi kana a nga ndaga.

Wana ni Zla d’a Djivi d’a Luc mi b’irita 23:33

Kid’a azi mbaza ata yima a yum ala Asok yamba na, a b’alam akulo ata yi máma ki suma tcho ndazina, tu ata bigam mba ndjufa, tu ata bigam mba gulad’a mi.

Wana ni Zla d’a Djivi d’a Luc mi b’irita 24:20

Wani mei suma nglo suma ngat buzuna azi ki mei suma te yamba a hum abo suma á kam sariya d’a matna kamu, a b’alam akulo ata aguna mi.

Jean 19:18

Nata yi máma ba, azigarâ a b’alam akulo ata aguna, zlapa ki suma dingâ mbà, tu abo hî, tu abo hî, Jesus adugu.

Jean 19:24

Kayam ndata, azigarâ a de tazi ala: Ei haweîzi woi d’i, wani ei tumi gumara kad’u, ei wei sama mba yotna. Ahle ndazina a le hina á ndak vun zla d’a a b’irit kur mbaktumba hAlonid’a ala: A b’rau baru mana aduk taziya, a tum baru man nda ngola gumara mi d’a ti ndak memet. Wana nahle suma azigarâ a lazina.

Sunda hi suma a sunuzinid’a 13:27

Suma a nga kaka kur Jerusalem-ma ki mazi suma nglona a we nga Jesus d’i, a we nga zlad’a hi suma djok vun Alona d’a azi nga ndumut teteu kur bur ma sabatnid’a d’uo mi. Wani azi ndak vun sariya d’a a kamzi kamba.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.

Sunda hi suma a sunuzinid’a 2:36

Kayam ndata, ar agi Israel-lâ pet agi wagi woi tetet ala ni Jesus ma agi b’alam akulo ata agunina ba, Alona mi mbud’um Salad’a ki Mesi mi.

Sunda hi suma a sunuzinid’a 3:18

Wani Alona mi ndak vun ahle suma mi dazi avok avun mam suma djok vuna pet ala Mesi mba mi fe ndaka na.

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Sunda hi suma a sunuzinid’a 5:28

Ami d’elegi ala: Agi had’agi ki simiyê sa máma d’i. Gola! Hat magid’a b’rau wa woi kur Jerusalem pet. Agi min á mbagi ki buzuna hi sa mámina kami zu?

Sunda hi suma a sunuzinid’a 5:30

Alona habuyoi ngolona mi tchol Jesus ma agi tchum ata agu ma b’alina akulo aduk suma matna.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Romê-na 2:12

Suma pet suma a le tchod’a bei we gata hi Moise-sina, a mba ba woi ni bei gat ndata. Wani suma pet suma a we gata hi Moise-sa suma a le tchod’ina, gat ndata mba d’i kazi sariyad’a kazi mi.

Romê-na 4:17

d’igi mbaktumba hAlonid’a ti de na ala: Alona mi dala: An mba ni mbud’ung andjaf suma ablauna abuziya. Mam nabui avok Alo ma mam he gagazid’a kama. Alo máma nga mi he arid’a mi suma matna, nga mi yahle suma a nga d’uo na ala a nga.

1 Tasaloni’â 2:15

Juif-fâ ni suma tchi Salad’a Jesus azi ki suma djok vun Alonina, a djobomi vuna mi. A nga le Alona tam djivi d’i, a nga kak djangûna ki suma pet mi.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

1 Pierre 1:20

Alona mi manam avok dei bei ad’u tinda hi duniyad’id’a, wani mi tagam mbei abu kur atchogoi d’a dabid’a kagiya.

1 Pierre 2:8

Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.