Sunda hi suma a sunuzinid’a 2:22 - Bible azumeina

²² Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Sunda hi suma a sunuzinid’a 2:22 Kruisverwysings

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Matiye 12:28

Wani le an dik muzuk ma teteng ma tchona woi ni kad’eng nga Muzu’â hAlonina mi handjid’a ni, Alona mi mba wa adigagi á te leu mamba yam andagad’a.

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Matiye 9:8

Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.

Wana ni Zla d’a Djivi d’a Luc mi b’irita 11:20

Wani le an nga ni dik muzuk ma teteng ma tchona woi ni kad’enga hAlonid’a ni, Alona mi mba wa adigagi á te leu mamba.

Wana ni Zla d’a Djivi d’a Luc mi b’irita 18:37

A dum ala: Ni Jesus ma Nazarat-na kalî mamu.

Wana ni Zla d’a Djivi d’a Luc mi b’irita 24:18

Ma dingâ tu, simiyêm ala Kleyopas, mi hulong dum ala: Ni ang tu ba, nakoi ma nga kaka avo Jerusalem ma bei wahle suma a le kur bur mámina zu?

Jean 1:45

Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Jean 10:37

Le an nga ni le sunda hAbunda d’uo ni, agi hagi gagazid’a kan ndi.

Jean 11:47

Kayam ndata, nglo suma ngat buzuna azi ki Fariziyêna a tok suma b’ak zlad’a, a djop tazi ala: Ei lei ni nana? Kayam sa máma nga mi lahle suma ndandalâ ngola.

Jean 12:17

Suma pet suma a nga ki Jesus ata yima mi yi Lazar woi kur zula mi tcholom akulo aduk suma matnina, a le glangâsâ yam ahle ndazina.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 19:19

Pilat mi he vuna á b’ir kam akulo ata agu ma b’ala ala: Wana ni Jesus ma Nazarat-na, amulâ hi Juif-fîna.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 4:48

Kayam ndata, Jesus mi dum ala: Le ba agi wagi ahle suma simata kahle suma atchapma d’uo ni, agi nga hagi gagazid’a d’i.

Jean 5:36

Wani an nga ki glangâs ma ngol ma kal ma hi Jean-nina, kayam sun nda Abun handjid’a, an nga ni ndagat vunad’u. Sun nda an lata nga d’i le glangâsâ kan ala nAbun ba, mi sununïya.

Jean 6:14

Ata yima suma a te ndazina a wahle suma ndandal suma Jesus mi lazina, a dala: Gagazi, sa máma ni Ma djok vun Alona ma nga mi mba kur duniyad’ina.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Jean 7:31

Wani suma ngola aduk ablau suma a he gagazid’a kamu, a dala: Fata Mesi mi mbad’a, mba mi lahle suma ndandalâ kal sama wana zu?

Jean 9:33

Ladjï sa máma, mi tcholï ni gen Alona d’uo ni, mi ndak á le va d’i.

Sunda hi suma a sunuzinid’a 13:16

Ata yi máma, Paul mi tchol akulo, mi lazi abomu, mi dazi ala: Agi Israel-lâ ki agi suma lagi mandara Alonina, agi humugiya.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Sunda hi suma a sunuzinid’a 2:19

An mba lahle suma atchapma kur akulod’a, an mba lahle suma ndandalâ kä yam andagad’a. Suma a mba we buzuna kakud’a, andosâ mba mi tin d’ugula mi.

Sunda hi suma a sunuzinid’a 2:43

Suma pet a le mandarâ, kayam suma a sunuzina a lahle suma atchapma ngola kahle suma simata mi.

Sunda hi suma a sunuzinid’a 21:28

A er ad’uzi akulo ala: Agi Israel-lâ, agi mbeï ndjunumiya. Wana ni sama nga mi tchi wala ata yina pet ala suma a noî Israel-lâ ki gata hi Moise-sa ki gong nga kud’ora hAlona d’a wanda woi mi na. Wani ki tchetchemba, mi mbeï wa kandjaf suma dingâ kur gong nga kud’ora hAlonid’a á mbut yi mei ma a tinim iram vama ndjendjed’a.

Sunda hi suma a sunuzinid’a 22:8

An djobom ala: Salana, angî nge ge? Mam dan ala: Ni an Jesus ma Nazarat ma ang nga djobom vunama.

Sunda hi suma a sunuzinid’a 24:5

Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.

Sunda hi suma a sunuzinid’a 26:26

Amulâ Agripa mi wäd’u zla ndata djivi tetet. An dum zlad’a bei mandarâ ba, an we aduk ahle ndazina vama vid’im nga d’i, kayam a lahle ndazina nga ni ngeid’a d’i.

Sunda hi suma a sunuzinid’a 26:9

Adjeu an tan nga hurun ala an le simiyê Jesus ma Nazarat-na tchod’a ngola.

Sunda hi suma a sunuzinid’a 3:12

Kid’a Pierre mi we hina d’a, mi de mi sum ndazina ala: Agi Israel-lâ, ni kayam me ba, agi lagi atchap yam sut mamba ge? Ni kayam me ba, agi sogi iragi kami d’igi ni kad’eng mamid’a d’oze d’engzeng mamid’a yam Alona ba, sa máma nga mi tit ki wana hina zu?

Sunda hi suma a sunuzinid’a 3:6

Wani Pierre mi dum ala: An nga ki bege d’a hapa d’oze lora d’i, wani vama an nga ki na, an nga ni hangziya. Nala, ki simiyê Jesus Christ ma Nazarat-na, ang fagakulo, ang tid’a!

Sunda hi suma a sunuzinid’a 4:10

ar agi pet wagi djiviya, agi Israel-lâ pet wagi mi, ni kad’enga hi simiyê Jesus ma Nazarat ma agi b’alam akulo ata aguna ma Alona mi tcholom akulo aduk suma matnina ba, sa máma mi nga tchola akulo avorogi wana.

Sunda hi suma a sunuzinid’a 5:35

Mi de mi suma nglona ala: Agi Israel-lâ, agi gologi tagi djivi ki vama agi min á lum ki sum ndazinina.

Sunda hi suma a sunuzinid’a 6:14

Kayam ami humumi mi dala: Jesus ma Nazarat máma mba mi b’lak gong nga kud’ora hAlonid’a woyo, mba mi mbut zla d’a adjeu d’a Moise mi areizid’a kä.

2 Korente-na 12:12

Gagazi, ahle suma ndandal suma an lazina ki ve ta d’a adigagid’a ná tagagi woi ala an ni ma a sunun ma gagazina hi Salad’ina. An lahle suma simata kahle suma atchapma kahle suma ndandalâ mi.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.