Sunda hi suma a sunuzinid’a 2:11 - Bible azumeina

¹¹ nala, Juif-fâ ki suma mbut Juif-fîna mi. Suma hiuna ni suma Kret-na ki suma Arap-ma. Ni nana ba, ei nga hum sum ndazina a nga de zlad’a ki vun meina teteng yam sun nda ngol la Alona mi lata na ge?

Sunda hi suma a sunuzinid’a 2:11 Kruisverwysings

1 Amuleina 10:15

zlapa ki lor ra ding nga a vat abo suma titid’a, abo suma mbut abozina ki d’a a nga vat abo amulei suma Arabi-nid’a ki d’a suma te yamba kur ambasa teteng a nga humzid’a mi.

2 Sunda Hamuleinid’a 17:11

Suma Filistê-na a mba ki he d’a hawad’a mi Josafat, a hum bege d’a hapa tara mi. Arap-ma a mbam ki gamlâna 7700 ki mbekmberena 7700 mi.

2 Sunda Hamuleinid’a 26:7

Alona mi ndjunum mi dur ayîna ki suma Filistê-na ki suma Arap suma a nga kaka Gur-Bäl-lâ ki suma Mawon-na mi.

Wana ni mbaktumba hi Job-pa 9:10

Mi lahle suma nglo suma sana mi ndak á wazi ad’uzi d’uo na, ki suma yoyou suma a ndak á ndumba d’uo na mi.

Sawal la giled’a 107:15

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:21

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:8

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 111:4

Mi nga mi ge hum suma yam sun mam mba ndandala. Ma didina ni ma we hohowa sumina, ni ma sumad’a mi.

Sawal la giled’a 136:4

Mam tu ni sama lahle suma nglo suma ndandalîna, kayam o mamba nga d’i dap pi.

Sawal la giled’a 26:7

á gileng ki delen akulo, á de woi yam sun mang nga ndandala pet mi.

Sawal la giled’a 40:5

Sama nga mi le furîd’ina ni sama deng tam ata Ma didinina; nga mi zlap ki suma subur tazina d’oze suma ka zlad’a d’uo mi.

Sawal la giled’a 71:17

Alo mana, ang had’an ni ki gogoron dei, gak ini an nga ni de woi yam sun mang nga kal teglesa.

Sawal la giled’a 77:11

Bugola, an de kurun ala: Vama han ndakina ba wana: Alo ma sä akulo ma kal teglesâ nga mi ndjuni d’igi avoka na d’uo d’a.

Sawal la giled’a 78:4

Ei mba ngeyeizi mi gureina d’i. Wani ei mba dei woi mandjaf ma nga mi mba bugolâ, yam subura hi Ma didinid’a, yam ad’eng mamba ki sun nda ndandal la mam lata mi.

Sawal la giled’a 89:5

An mba ni sira andjavang ad’enga burâ ki burâ, an mba ni tin zlam mang nga amula kur atchogoi d’a lara ge pet mi. Tchol ndjö

Sawal la giled’a 96:3

Agi dagi woi yam subur mamba avok andjaf suma pet, agi tagagi sun mam mba ndandala woi avok suma pet mi.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 13:20

Sa mba mi kak kurut ti, a mba fe sa kaka kurut ti gak didin. Ma Arap mba mi ve zlub’u mam kua d’i, suma pola a mba kak kua ndjö d’uo mi.

Isai 21:13

Wana ni zla d’a a dat yam Arabi-d’a: Agi suma Dedan suma tid’igi ki djambalina, agi mba burugi sä woi abagei Arabi.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 28:29

Zla ndata ti tcholï nata Ma didin ma ad’engêm kal petna; d’al mama ni vama atchapma, we mamba ti kal ngola mi.

Jeremi 25:24

An hum mamulei suma Arabi-na pet kamulei suma teteng suma a nga kaka abagei hur fulîna pet mi.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Sunda hi suma a sunuzinid’a 2:10

suma Frizi-na, suma Pamfili-na, suma Ezipte-na, suma yam andaga d’a Libi-d’ina, suma go ki Siren-na ki suma tcholï Rom-ma mi,

Sunda hi suma a sunuzinid’a 2:12

Azi pet a le atchap, zlad’a vid’izi silil, a nga de tazi ala: Zla ndata ni nana na ge?

Sunda hi suma a sunuzinid’a 27:12

Kayam yima tchol bato máma mi nga djivid’a á kak kua vun simetna d’i, suma dingâ ablaud’a a ndjak vunazi á id’a, a djib’er ala dam azi mba tcha sä Fenis ata yima tchol bato ma Kret ma vunam abo ma fladegena kabo ma sutna, vunam abo ma fladegena kabo ma norâ mi na á kak kua vun simetna zi ge?

Sunda hi suma a sunuzinid’a 27:13

Ata yima simet ma sutna nga sir lalama, azi djib’er ala azi fe wa vama azi minima. Azi pat kawei ma ve batod’a kä na akulo, a nga tit go ki vun gongôd’i d’a Kret-ta.

Sunda hi suma a sunuzinid’a 27:7

Ami nga tid’imi lalam burâ ngola. Ni ki ndaka tua ba, ami mbami go ki azì ma Sinide-na. Ata yima simetna d’elemi á imi avo’â, ami tid’imi navun gongôd’id’a hi til la Kret ta go ki Salmone-d’a.

1 Korente-na 12:10

Muzu’â nga mi he mi sama dingâ á lahle suma atchapma, ma dingâ á djok vun Alona, ma dingâ á wal ir muzuk ma teteng ma ka zlad’a ki ma gagazina. Mi he mi sama dingâ á de vuna hi suma tetengâ, ma dingâ á väd’u vuna hi suma tetengâ woi mi.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

Galat-na 1:17

An i nga Jerusalem ad’u suma a sunuzi suma avorona d’uo mi, wani an i ni yam andaga d’a Arabi-d’a. Bugola, an hulong kur azì ma Damas-sâ.

Galat-na 4:25

Agar ndata nahina d’a Sinai d’a yam andaga d’a Arabi-d’a. Hle tat ni d’igi azì ma ngol ma Jerusalem ma tchetchem wana na, kayam ndat nga d’i le magomba ki grotna.

Wana ni mbaktum mba Paul mi b’irit mi Tit-ta 1:12

Sa mazi ma djok vuna mi dala: Suma Kret-na ni suma ka zlad’a teteu, a namburei suma tchona, a ni suma azulomba, a ni suma agozlomba mi.

Wana ni mbaktum mba Paul mi b’irit mi Tit-ta 1:5

Kayam ndata, an arang kur til la Kret-ta á min ahle suma ar bei mindina, á tin suma nglo suma gol Toka kur azì ma nglo ma lara ge pet d’igi an had’ang na mi.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.