Sunda hi suma a sunuzinid’a 19:9 - Bible azumeina

⁹ Wani suma ablaud’a a min he gagazid’a d’i, a nga las lovota hi Salad’id’a avok suma ablaud’a mi. Kayam ndata, mi nde woi adigaziya, mi yo suma hata woi adigaziya, mi tchi tuguyod’a kur gong nga hata hi Tiranus-sa.

Sunda hi suma a sunuzinid’a 19:9 Kruisverwysings

2 Amuleina 17:14

Wani sum ndazina a nga hum vun ndi, a le yam mba ad’enga d’igi abuyozi ngolo suma a he nga gagazid’a yam Ma didina Alo mazina d’uo na na.

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Nehemi 9:29

Ang ngobozi á hulong ata gat manga, wani azi nga i avogovok ki yam mba ad’enga, a hum nga gat manga d’i, a nga le tchod’a, a noî vun mang ma he ma sana le mi le sunda kamu ba, mi kak karid’ina woyo. A nga yo djedjerezi akulo avorongû, a nga b’al yazi woyo, a hum nga zla manga d’i.

Sawal la giled’a 95:8

Ar agi b’alagi hurugi d’igi abuyogi ngolo a b’al huruzi kur Meriba na d’i, ar agi b’alagi hurugi d’igi azi b’al huruzi kur bur ma azi nga abagei hur ful ma Masa-na na d’uo mi.

Zla d’a d’ogolâ 8:34

Sama nga mi humuna ma nga tchola avun agrek mana burâ ki burâ ma nga tchola ndjola avun aziyana, mi le furîd’a.

Isai 8:14

Mam mba mi mbut ni zlub’u d’a a tinit irat vata, mba mi mbut nahina d’a dap asema mi. Nahina d’a dap asema yam leud’a hi Israel-lîd’a ki leud’a hi Juda-nid’a, mba mi mbut nabeid’a ki dauna yam suma a nga kaka avo Jerusalem-ma mi.

Jeremi 19:15

Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam azì ma ngol ma wana kazì ma nglo ma nguyuma pet. Ni ndak ka lara ge d’a an dat kamba, kayam azi tos humazi woi á hum zla manda.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 16:4

Agi suma tcho suma bei d’ingêr suma kur atchogoi d’a wandina, agi nga halagi vama simata, wani a mba samad’agizi d’i, ni simata hi ma djok vun Alona Jonas-sâ hol. Mi araziya, mi iya.

Matiye 26:55

Ata yi máma, Jesus mi de mablau suma ala: Agi mbagi ki mbuguyo suma fuyogeina ki tutuguyona abogi á van d’igi sama kula na? Burâ ki burâ an nga kaka kur gong nga kud’ora hAlonid’a, nga ni hat suma, wani agi van nga d’i.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 14:4

Wani ablau suma kur azì ma ngol mámina a wal kä mbà, suma hiuna ad’u Juif-fâ, suma hiuna ad’u suma a sunuzina mi.

Sunda hi suma a sunuzinid’a 17:4

Suma hiuna adigazi a ve zla ndata, a i ad’u Paul azi ki Silas; Grek suma a nga kud’or Alona ablaud’a karop suma nglona ablaud’a a le hina mi.

Sunda hi suma a sunuzinid’a 19:23

Kur bur máma tuguyo d’a ngola tchol yam lovota hi Salad’id’a.

Sunda hi suma a sunuzinid’a 19:30

Paul mi min á kal aduk suma ata yima luna mi, wani suma he gagazid’ina a d’elemu.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sunda hi suma a sunuzinid’a 22:4

An djop vun suma a nga kur lovota hi Salad’id’ina ngola heî. Suma hiuna a bo. An djin andjofâ karopma, an tchuguzi dangeina mi.

Sunda hi suma a sunuzinid’a 24:21

Dam ni kur zla d’a tu d’a an dat ki delen akulo kid’a an nga tchola adigazi ala: Ni kayam tchol la akulod’a hi suma matnid’a ba, an nga tchola ini avorogi ata yima ka sariyad’a wana d’a kla.

Sunda hi suma a sunuzinid’a 28:22

Wani ami min humumi zla d’a avunang nga ang djib’eret kurunga. Kayam ami wami suma a nga kak djangûna kandjaf hat ta ang nga had’ata ata yina pet.

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

Romê-na 11:7

Ni nana ge? Vama Israel-lâ a halama, a fum nga d’i. Wani suma Alona mi manazina, a fumî azi hol. Suma hiuna a b’al huruziya.

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

1 Korente-na 16:9

kayam Alona mi mal lovota avoron á lum sunda ngola, wani suma djangûna a nga ablaud’a mi.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

2 Timote 1:15

Ang we Fizel ki Hermozen ki suma kur ambas sa Asi-d’a pet a aran ndeyo.

2 Timote 3:5

A mba golozi ni d’igi suma he gagazid’a d’igi ei na na, wani azi mba tin vunazi yam ad’eng mamba. Ang mbut azigang mi suma hina na.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Hebre-na 3:13

Wani agi gigid’egi tagi teteu d’igi mbaktumba hAlonid’a ti de na ala: Ini ar sa adigagi tchod’a lobom á b’al hurum mbi.

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.

2 Pierre 2:2

Suma ablaud’a a mba i ad’uzi kur sun mazi d’a mizeuna. Kayam sun mazi d’a led’a, suma a mba ngul lovot ta gagazid’a kaziya.

Jude 1:10

Wani sum ndazina a nga ngul vama azi wum mbuo na kahle suma azi wazi kur djib’er mazid’a d’igi ahle suma abagei suma bei djib’era na na, a nga b’lak kei kur ahle ndazina.