Sunda hi suma a sunuzinid’a 19:4 - Bible azumeina

⁴ Paul mi dazi ala: Jean mi le suma batemba ni kayamba azi mbut huruzi yam tcho mazid’a. Mi de mi Israel-lâ ala a he gagazid’a yam ma nga mi mba blogoma, nala, Jesus.

Sunda hi suma a sunuzinid’a 19:4 Kruisverwysings

Jean 1:15

Jean mi le glangâsâ kamu, mi de ki delem akulo ala: Sa máma ni ma an dagi kam ala: Ni ma nga mi mba blogona, ni ma kalana, kayam mam mi ma avorona na.

Jean 1:26

Jean mi hulong dazi ala: An le suma batemba ni ki mbina. Sama agi wum nga d’uo na, mi nga tchola adigagiya,

Jean 1:27

ni ma nga mi djï blogona. An ndak á but ziyo atuguru mama d’i.

Jean 1:7

Mi mba á le glangâsâ yam b’o ndata, kayam suma pet a he gagazid’a kad’u.

Sunda hi suma a sunuzinid’a 1:5

Kayam Jean mi le suma batemba ni ki mbina, wani ar nga burâ ngol li an mba ni lagi batemba ki Muzuk ma bei tchod’a ba na.

Sunda hi suma a sunuzinid’a 11:16

Human gan yam zla d’a Salad’a mi dat ala: Jean mi le suma batemba ni ki mbina, wani an mba ni lagi batemba ni ki Muzuk ma bei tchod’a ba na d’a.