Sunda hi suma a sunuzinid’a 19:26 - Bible azumeina

²⁶ Agi wagiya, agi humugi mi, ni kur Efes hol li, wani ar go kur ambas sa Asi-d’a pet, Paul máma mi kal yam suma. Mi mbut hur suma kä ngola, nga mi dazi ala: Alo ma suma lum kabozina nalona d’i.

Sunda hi suma a sunuzinid’a 19:26 Kruisverwysings

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Wana ni mbaktumba hi Oze-d’a 8:6

Wani amuhl ma agi yoroma ni sun nda sama d’alâ mi lata, nga nalona d’i. Ni kayam ndata ba, a mba to amuhl magi máma woi kikizek.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Sunda hi suma a sunuzinid’a 17:29

Le ei nAlona groma ni, ar ei djib’erei ala Alona ni d’igi filei ma lora d’oze ma kawei ma hapma d’oze ma ahina ma sana mi tched’em kur d’al mamina na d’i.

Sunda hi suma a sunuzinid’a 18:19

Azi mbaza Efes, Paul mi ar Akila azi ki Prisil. Wani mam tamba mi kal kur gong nga toka, nga mi tchi tuguyod’a ki Juif-fâ.

Sunda hi suma a sunuzinid’a 19:1

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua.

Sunda hi suma a sunuzinid’a 19:10

Mi le hina gak bizad’a mbà. Hina wani, Juif-fâ kandjaf suma ding suma a nga kaka kur ambas sa Asi-d’ina pet, a hum zlad’a hi Salad’id’a.

Sunda hi suma a sunuzinid’a 19:25

Mi tok ndroma ki suma sun mazid’a ki mamba tuna, mi dazi ala: Agi sumuna, agi wagiya, ni ki sun ndata ba, ei nga fei ki beged’a wana.

1 Korente-na 12:2

Agi wagi ala kid’a agi ni suma bei wAlona tua d’a, suma a nga tanagi bugol filei ma ngela d’igi azi min na.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Galat-na 4:8

Wani adjeu d’a agi ni suma bei wAlona tua d’a, agi lagi ni magomba mi filei ma ala nAlo ma gagazina d’uo na.

Gat ta a hat á mbàd’id’a 4:28

Ata yi máma agi mba kud’urogi alo ma suma a lum kabozina, nala, aguna d’oze ahinad’a, nalo ma ndak á we d’oze á hum mboze á te va d’oze á his va d’uo na mi.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Vama ndum mbeina 9:20

Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.