Sunda hi suma a sunuzinid’a 19:13 - Bible azumeina

¹³ Wani Juif suma dingâ a nga, ni suma d’uweîd’a. Azi ni suma a nga dik muzuk ma teteng ma tchona woina. Azi tazi ki yazi a nga yi simiyê Jesus á dik muzuk ma teteng ma tchona woi kur suma. A de mi muzuk ma teteng ma tchona ala: Ami hagi vuna ki simiyê Jesus ma Paul nga mi tchum walama ala agi buzugugi woyo.

Sunda hi suma a sunuzinid’a 19:13 Kruisverwysings

Ad’u Tinda 4:12

Fata ang zum andagad’id’a, ndat mba d’i wulung ahlena d’i. Ang mba talal yam andagad’a, ang mba tcha ta’ abo hî, tcha ta’ abo hî!

Ad’u Tinda 4:14

Le ang digin ndei ini yam andaga d’a wanda ni, an mba ni ngei tan ndei dei avorongû, an mba ni talala, mba ni tcha ta’ abo hî, tcha ta’ abo hî; sama lara ma fana mba mi tchanu.

1 Amuleina 22:16

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

Sawal la giled’a 109:10

Ar groma a talala, a mbut ni suma tchen ahlena, ar a tchenï ahlena woi dei kaziyazi ma b’lak keina.

Matiye 12:27

Le an dik muzuk ma teteng ma tchona woi ni kad’eng nga Belzebul mi handjid’a ni, grogina a digim mbei ni kad’enga hi nge d’a ge? Le ni na ni, sum magina tazid’a a mba vagi ki zlad’a.

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Marik 5:7

mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Marik 9:38

Jean mi dum ala: Ma hat suma, ami wami sana nga mi tit ki sed’ei d’uo na, nga mi dik muzuk ma teteng ma tchona woi ki simiyêngû. Ami d’elemu, kayam me nga mi tit ki sed’ei d’i.

Wana ni Zla d’a Djivi d’a Luc mi b’irita 11:19

Le an nga ni dik muzuk ma teteng ma tchona woi ni kad’eng nga Belzebul mi handjid’a ni, grogina a nga digim mbei ni kad’enga hi nge ge? Kayam ndata, azi mba mbut magi suma ka sariyad’a.

Wana ni Zla d’a Djivi d’a Luc mi b’irita 9:49

Jean mi hulong dum ala: Salamina, ami wami sana nga mi dik muzuk ma tchona woi ki simiyêngû. Ami d’elemu, kayam me nga mi tit ki ei d’i.

Sunda hi suma a sunuzinid’a 19:14

Suma a le hina na ni kid’iziya, ni Skeva ma ngol ma ngat buzuna hi Juif-fîna groma.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

Josue 6:26

Ata yi máma Josue mi dazi zlad’a kad’enga ki gun tad’a yam Jeriko ala: Ar Ma didina mi ge sama mi min á min azì ma ngol ma Jeriko-na akulona vuna. Mba mi gum ad’umî ki mad’a gorom ma ngolâ, mba mi dugum vunam akulo ni ki mad’a gorom ma gorâ mi.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.