Sunda hi suma a sunuzinid’a 18:12 - Bible azumeina

¹² Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 18:12 Kruisverwysings

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Jean 19:13

Kid’a Pilat mi hum zla ndatid’a, mi nde ki Jesus abua, mi kak kä yam zlam mba ka sariyad’a. Yi máma simiyêm ala Atranga, a yum ki vun Hebre-na ala Gabata.

Sunda hi suma a sunuzinid’a 13:12

Kid’a ma te yamba mi we vama lenid’a, mi he gagazid’a, mi le atchap yam hata hi Salad’id’a.

Sunda hi suma a sunuzinid’a 13:50

Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 13:7

Mi nga zlapa ki ma te yamba Sergiyus Paulus mam mi sama ned’a. Sergiyus Paulus mi yi Barnabas azi ki Saul, mi min á hum zlad’a hAlonid’a avunaziya.

Sunda hi suma a sunuzinid’a 13:8

Wani ma kuma ma mbut máma, ad’u simiyêm ki vun Gre’â ala Elimas, mi tchol ad’enga ki sed’eziya, mi hal lovota á d’el ma te yamba bei he gagazid’a.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:2

Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.

Sunda hi suma a sunuzinid’a 17:13

Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.

Sunda hi suma a sunuzinid’a 17:5

Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

Sunda hi suma a sunuzinid’a 18:11

Paul mi kak kua bizad’a tu ki tilâ karagaya, nga mi had’azi zlad’a hAlonid’a.

Sunda hi suma a sunuzinid’a 18:27

Bugol la Apolos mi min i Akai-d’a, b’oziyoina a min ala mi i mi, a lum mbaktumba abom mi suma a he gagazid’a kur ambas ndatina ala a vum ataziya. Kid’a mi mbazid’a, mi ndjun suma a he gagazid’ina kayam Alona mi tagazi suma mamba.

Sunda hi suma a sunuzinid’a 19:21

Bugol ahle ndazina, Paul mi djib’er kurum ala mba mi kal yam andaga d’a Maseduwan-nda ki d’a Akai-d’a á i Jerusalem. Mi dala: Le an mbaza hî ni, le ni nana pî, an mba ni we Rom mi.

Sunda hi suma a sunuzinid’a 25:10

Paul mi dum ala: An nga tchola avok zlam mba ka sariyad’a hi Sesar-ra. Djivid’a a kan sariya manda ni ka hî. An le nga vama tcho mi Juif-fâ d’i, d’igi ang tanga we tetet na.

Romê-na 15:26

Kayam kretiyê suma Maseduwan-na ki suma Akai-na a nga huruzi ala azi tok he d’a hawa mazid’a yam suma hohou suma hAlona suma Jerusalem-ma.

Romê-na 16:5

Agi gagi Tok ka avo hatazid’a depa mi. Agi gagi Epenet man ma o ma mi he gagazid’a yam Christ avok kikidji kur ambas sa Asi-d’ina depa.

1 Korente-na 16:15

B’oziyona, agi wagi suma avo hi Estefanas-sâ, azi ni suma a mbut huruzi avok avo Akai-na. Azi he tazi á le sunda mi suma hAlonina.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

2 Korente-na 11:10

Zla d’a gagazid’a hi Christ-sa nga kurunu. Kayam ndata, sama ndak á d’elen á subur tan yam zla ndata kur ambas sa Akai-d’ina nga d’i.

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

2 Korente-na 9:2

kayam an we min magid’a. Kayam ndata, an suburugi wa avok suma Maseduwan-na. An dazi ala: B’oziyoi suma Akai-na a min tazi á ndjun suma ni gadjum dei. Zlezleû magid’a zut suma dingâ ablaud’a akulo adigazi á led’a.

1 Tasaloni’â 2:14

B’oziyomina, agi mbud’ugi ni suma nga tid’igi balum Tok ka tetenga hAlonid’a hi Jesus Christ-sa yam andaga d’a Jude-d’a. Kayam agi fagi ndaka abo simiyêgi d’igi azi fe ndaka abo Juif-fâ na mi.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Jacques 2:6

Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?