Sunda hi suma a sunuzinid’a 17:5 - Bible azumeina

⁵ Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

Sunda hi suma a sunuzinid’a 17:5 Kruisverwysings

Sawal la giled’a 35:15

Wani ata yima an puk kä na, azi tok tazi á le furîd’a, azi tok tazi kan á lan tchod’a bei an we ba, azi nga ton a nga kizagan ndei bei aran ba.

Sawal la giled’a 69:12

An tchuk dodora atanu, wani an mbut ni va mazi ma lasa.

Zla d’a d’ogolâ 14:30

Hur ma ab’lengâ ni djivid’a yam hliu tad’a, wani yungôrâ ni ndjuvul ma mud’ung aduk asogongâ.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Matiye 27:18

Kayam mi we tcha ala ni yam yungôra ba, a hum ki Jesus wana.

Sunda hi suma a sunuzinid’a 13:45

Wani kid’a Juif-fâ a wablau sumid’a, a le yungôra, a nga tchi tuguyod’a ki zla d’a Paul mi data, a nga lazad’u.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:2

Wani Juif suma a he nga gagazid’a d’uo na, a zut andjaf suma dingâ ala a kak djangûna ki b’oziyoina.

Sunda hi suma a sunuzinid’a 17:13

Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.

Sunda hi suma a sunuzinid’a 17:6

Kid’a azi fazi d’uo d’a, azi ve Jason, a tanam ki b’oziyoi suma hiuna avok suma b’ak zlad’a. Azi de ki delezi akulo ala: Sum ndazina ni suma b’lak andagad’a ki zlat petna. Ki tchetchemba, a mba wa ka hî,

Sunda hi suma a sunuzinid’a 17:7

Jason mi vazi avo hatam mi. Sum ndazina a kak djangûna ki gata hi ma te yamba Sesar-ra, a nga dala amul ma dingâ nga, simiyêm ala Jesus.

Sunda hi suma a sunuzinid’a 17:9

Kid’a Jason ki suma hiuna a wurak suma b’ak zlad’a wuraka, a arazi a iya.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 19:40

Gagazi, a mba vei ki zlad’a kayam yal ma tchol inina. Ei nga ki vama ei mba dazizi yam tok ndatina d’i.

Sunda hi suma a sunuzinid’a 7:9

Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

Romê-na 16:21

Timote ndran ma sunda zlapa ki Lusiyus, Jason ki Sosipater suma ala nandjavanu na a gagi depa.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

2 Korente-na 11:26

Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

Galat-na 5:21

d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

Galat-na 5:26

Ar ei halei subur ra hawa yaka á zalei hur tei d’i. Ar ei lei yungôra yam tei d’uo mi.

1 Tasaloni’â 1:6

Agi tid’igi balum asemiya, balum asem Salad’a mi, kayam agi vagi zlad’a hAlonid’a ni ki djop vuna ngola, ni ki furî d’a Muzuk ma bei tchod’a ba na mi hagizid’a mi.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Suma ka sariyad’a 9:4

Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.