Sunda hi suma a sunuzinid’a 16:1 - Bible azumeina

¹ Paul mi mba Derbe ki Listre. Sama mi he gagazid’ina mi nga kua, simiyêm ala Timote. Asumî gor ra Juif-fa, ni d’a he gagazid’id’a, wani abumî ma Gre’â.

Sunda hi suma a sunuzinid’a 16:1 Kruisverwysings

Esdras 9:2

Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Sunda hi suma a sunuzinid’a 14:1

Ata yi máma, Paul azi ki Barnabas a kal kur gong nga toka hi Juif-fîd’a avo Ikoniyum. A tchazi wala gak Juif-fâ ki Gre’â ablaud’a a he gagazid’a.

Sunda hi suma a sunuzinid’a 14:21

Bugol la azi tchi wal Zla d’a Djivid’a kur azì ma ngol mámid’a, suma ablaud’a a mbut suma hata. Paul azi ki Barnabas a hulong kur Listre, Ikoniyum ki Antiyos sa Pisidi-d’a.

Sunda hi suma a sunuzinid’a 14:6

Paul azi ki Barnabas a wäd’u zla ndata. Hina, a ring kur azì ma nglo ma Listre ki Derbe kur andaga d’a Likoni-d’ina kazì ma nga nguid’ina mi.

Sunda hi suma a sunuzinid’a 17:14

Ata yi máma na wat, b’oziyoina a sun Paul avun alum ma ngolâ, wani Silas azi ki Timote a ar sä Bere.

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

Sunda hi suma a sunuzinid’a 19:22

Mi sun suma ndjunuma mbà, nala Timote azi ki Eraste, á i Maseduwan, wani mam tamba mi ar kaka yam andaga d’a Asi-d’a ndjö tua.

Romê-na 16:21

Timote ndran ma sunda zlapa ki Lusiyus, Jason ki Sosipater suma ala nandjavanu na a gagi depa.

1 Korente-na 16:10

Le Timote mi iza hatagiya ni, ar agi vum atagi djiviya, kayam mam nga mi le sunda hi Salad’id’a d’igi an na.

1 Korente-na 4:17

Kayam ndata, an nga ni sunugi sä Timote goron ma an hurun vum heîna, ni ma d’engzengâ yam Salad’a mi. Mam mba mi vagi ad’ud’a yam tit man nda zlapa ki Christ-sa. Tit ndata ni hat ta an nga ni hat suma kur Toka lara ge peta mi.

1 Korente-na 7:14

Kayam mandjuf ma bei he gagazid’a, Alona mba mi tinim iram vam ni yam amamba. Atcha d’a bei he gagazid’a, Alona mba mi tinit irat vat ni yam ndjuvut mi. Le hina d’uo ni, grozina a mba mbut ni suma bei wAlona. Wani ki tchetchemba, Alona mi tinizi irazi vaziya.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

2 Korente-na 1:19

Kayam Jesus Christ Alona Gorom ma an ki Silas ki Timote tchagizi walama, mam mi  ki Hawa d’a d’i, wani mam mi  d’a hAlonid’a teteu.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Filip-ma 2:19

Yam zlad’a hi Salad’a Jesus-d’a, an tin hurun ala an sunugi sä Timote ka tchetchem, kayam mi b’lengên hurun yam zla magid’a.

Kolos-sâ 1:1

Ni an Paul ma a sunuma hi Jesus Christ-sâ kur minda hAlonid’a, zlapa ki wiyeina Timote.

1 Tasaloni’â 1:1

Ni an Paul ki Silas ki Timote, ami nga b’irimi mbaktum mba wanda mi agi Tok ka avo Tasalonik-ka suma hAlona Abui ki Salad’a Jesus Christ-sâ. Ar Alona mi vagi sumad’a ki b’leng nga halasa.

1 Tasaloni’â 3:2

Ni kayam ndata ba, ami sunugi sä wiyeina Timote ma sunda hAlona ma yam Zla d’a Djivid’a hi Christ-sina á siragiya, á gigid’egi kur he gagazi magid’a mi,

1 Tasaloni’â 3:6

Wani ki tchetchemba, Timote mi tcholï hatagi mi mba mi dami yam zla d’a djivid’a hi he gagazi magid’a ki o magid’a mi. Mi dami ala agi nga djib’eregi kami ki furîd’a teteu, agi min á wami d’igi ami tami minimi á wagi na mi.

2 Tasaloni’â 1:1

Ni an Paul ki Silas ki Timote, ami nga b’irimi mbaktum mba wanda mi agi Tok ka avo Tasalonik-ka suma hAlona Abui ki Salad’a Jesus Christ-sâ.

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

1 Timote 1:2

An nga ni b’ir mbaktum mba wanda mi ang Timote, goron ma d’engzeng ma kur he gagazid’ina. Ar Alona Abui ki Saleina Jesus Christ a vang sumad’a, ar a wang hohowong ki b’leng nga halasa mi.

2 Timote 1:2

An nga ni b’ir mbaktum mba wanda mi ang Timote, goron ma hurun vang heîna. Ar Alona Abui ki Saleina Jesus Christ a vang sumad’a, a wang hohowong ki b’leng nga halasa mi.

2 Timote 1:5

An nga ni djib’er yam he gagazi d’a irat ta nga kurunga, ni d’a nga kur asung ngolo Lois kasung Eunis adjeud’a, an we gagazi ti nga kurung mi.

2 Timote 3:11

djop vun mana, ndak manda mi. Ang wahle suma a mba kan avo Antiyos ki Ikoniyum ki Listre-na. An ve tan ad’enga kur ahle ndazina pet, wani Salad’a mi pad’an ndei kuruzi mi.

Filemon 1:1

Ni an Paul ma dangeina yam Jesus Christ-sâ ki wiyeina Timote, ami nga b’irimi mbaktum mba wanda mi ang Filemon, ndrami ma sun ma hurumi vang heîna ki Toka avo hatanga

Hebre-na 13:23

An gagi humagi ala a ge wa wiyeina Timote akulo. Le mi mba ka tchetchemu ni, ami mba zlabami ki sed’em á iza hatagi á d’ugiya.