Sunda hi suma a sunuzinid’a 15:23 - Bible azumeina

²³ A b’irizi mbaktumba abozi ala: Ami suma a sunumina ki suma nglona, ami b’oziyogina, ami nga sunugi mbaktumba mi agi b’oziyomi suma aduk andjaf suma ding suma kur Antiyos kur Siri kur Silisi-na, ami gagi depa.

Sunda hi suma a sunuzinid’a 15:23 Kruisverwysings

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 11:20

Wani suma dingâ adigazi ni suma Sipre-na ki suma Siren-na. Sum ndazina a i Antiyos, a tchi wal Zla d’a Djivid’a hi Salad’a Jesus-d’a mandjaf suma dingâ mi.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 15:4

Kid’a azi mbaza Jerusalem-mba, suma toka ki suma a sunuzina ki suma nglona a vazi ataziya. Azi vazi ad’u ahlena pet suma Alona mi lazi ki sed’ezina.

Sunda hi suma a sunuzinid’a 15:41

Mi kal yam andaga d’a Siri-d’a ki d’a Silisi-d’a, nga mi sira suma toka ngingring kur he gagazid’a.

Sunda hi suma a sunuzinid’a 18:18

Paul mi kak kua burâ ngola. Ata yi máma, mi ge b’oziyoina depa, mi djak kur batod’a á i Siri zlapa ki Prisil ki Akila. Paul mi wel yam mbei avo Sengkre, kayam mi hle vunam mAlona da’.

Sunda hi suma a sunuzinid’a 21:25

Wani kayam andjaf suma ding suma a he gagazid’ina, ami b’irizi mbaktumba ala azi tahle suma a ngad’azi á tuwal fileinina d’oze buzuna d’oze vama guluta d’i, a le mizeuna d’uo mi.

Sunda hi suma a sunuzinid’a 21:3

Kid’a ami mbami go ki til la Sipre-d’id’a, ami arat yam bigami d’a gulad’a, ami kalami gak mba mi sä Siri. Ami tchugumi asemi avo Tir; ni kua ba, azi mba yo ahlena hi batod’ina kä woyo.

Sunda hi suma a sunuzinid’a 23:26

An Klaut Lisiyas nga ni b’iring mbaktum mba wanda mi ang Felix ma te yam ma kal teglesâ. An gang depa mi.

Sunda hi suma a sunuzinid’a 6:9

Wani suma dingâ aduk suma a nga kur gong nga toka hi Juif-fâ d’a a yat ala Gong nga toka hi magumei suma a mbut gro vutina na, a nga tchi tuguyod’a ki Etienne. Azi ni suma Siren-na, suma Alezandri-na, suma Silisi-na ki suma Asi-na mi.

Galat-na 1:21

Bugola, an i yam andaga d’a Siri-d’a ki d’a Silisi-d’a.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.

2 Jean 1:13

Wiyek ka Alona mi manata grotna a gak depa mi.

2 Jean 1:3

Ar Alona Abui ki Jesus Christ Abui Goroma a vei sumad’a ki b’leng nga halasa, kayam ei nga ki he d’a hawa d’a gagazid’a ki od’a.

3 Jean 1:14

An tin hurun á wang ka tchetchem, ei mba dei tei zlad’a vuna ki vuna.