Sunda hi suma a sunuzinid’a 15:1 - Bible azumeina

¹ Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:1 Kruisverwysings

Sunda hi suma hi Levi-nid’a 12:3

Kur bur ma klavandina, agi ngad’agi gorâ bayâd’a.

Jean 7:22

Moise mi hagi bayâ d’a ngata, wani ti tin ad’ud’a nata Moise si, nata abuyogi ngolo. Kayam ndata, agi nga ngad’agi sana bayâd’a ni kur bur ma sabatna.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 15:23

A b’irizi mbaktumba abozi ala: Ami suma a sunumina ki suma nglona, ami b’oziyogina, ami nga sunugi mbaktumba mi agi b’oziyomi suma aduk andjaf suma ding suma kur Antiyos kur Siri kur Silisi-na, ami gagi depa.

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 15:3

Kid’a suma toka a tinizi dad’a, a kal yam andaga d’a Finisi-d’a ki d’a Samari-d’a. A nga vazi ad’ud’a ni nana ba, andjaf suma dingâ a mbut huruzi mAlona ge. B’oziyoina pet a le furîd’a ngola.

Sunda hi suma a sunuzinid’a 15:32

Jude azi ki Silas, azi tazid’a ni suma djok vun Alona mi, azi giget b’oziyozina ngola, a sirazi ngingring.

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

Sunda hi suma a sunuzinid’a 21:20

Kid’a azi hum zla mamba dad’a, a gile Alona, a dum ala: Wiyemina, ang we Juif-fâ ni dudubu suma a he gagazid’ina, azi pet tazi nga d’i lazi zlezleû yam gata hi Moise-sa.

Sunda hi suma a sunuzinid’a 6:14

Kayam ami humumi mi dala: Jesus ma Nazarat máma mba mi b’lak gong nga kud’ora hAlonid’a woyo, mba mi mbut zla d’a adjeu d’a Moise mi areizid’a kä.

Galat-na 2:1

Bugol bizad’a dogo yam fid’i, an hulong Jerusalem zlapa ki Barnabas, an ve Tit ad’un mi.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Galat-na 6:12

Suma pet suma a min tak djivi mazid’a woi yam minda hi sa mazi ma adjeunid’a, ni azi ba, a nga lagi kad’enga á ngad’agi bayâd’a, kayam azi min fe ndaka yam agu ma b’ala hi Christ-sâ d’i.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.