Sunda hi suma a sunuzinid’a 14:15 - Bible azumeina

¹⁵ a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Sunda hi suma a sunuzinid’a 14:15 Kruisverwysings

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Ad’u Tinda 41:16

Josef mi hulong dum ala: Nga ni an ndi; nAlona ba, mba mi hulong hum mba djivid’a mi ang Faron.

1 Amuleina 16:13

Ahle ndazina a mba hina pet kayam Bäsa ki goroma Ela a le tchod’a, a zut Israel-lâ á le tchod’a, kayam azi zal hur Ma didina Alona hi Israel-lîna ki filei mazi ma hawa ya’â mi.

1 Amuleina 16:26

Tit mamba ni tchod’a d’igi Jerobowam Nebat gorom ma mi zut Israel-lâ á le tchod’a á zal hur Ma didina Alona hi Israel-lîna ki filei mazi ma hawa ya’â na.

2 Amuleina 19:16

Ma didina, ang tin humang ang huma! Ma didina, ang mal irang, ang gola! Ang hum ngul la Sanakerip mi ngulung ang Alo ma bei matnina.

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Sawal la giled’a 115:15

Ar Ma didin ma lakulod’a kandagad’ina, mi b’e vunam kagiya!

Sawal la giled’a 124:8

Ndjun meid’a ti tcholï nata Ma didin ma lakulod’a kandagad’ina.

Sawal la giled’a 31:6

An hang muzugan abongû; Ma didina Alo ma gagazina, ang sud’un wa woyo.

Sawal la giled’a 33:6

Ma didina mi lakulod’a ni ki zla mam mba ded’a, mi lahle suma kurutna pet ni ki zla d’a ndeï avunamba.

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 46:7

A nga hle filei máma, a nga zim keleziya, a nga tinim ata yamu. Mi arî ata yam máma na, nga mi djok kei d’i. Le a yum pî, nga mi hum mbi, nga mi sut sa woi kur yima ndaka d’uo mi.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 51:15

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ki wäd’u mamba mi.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.

Amos 2:4

Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Jean 5:26

D’igi Abun tamba ni sala arid’a na, mi tinin an tan Goroma ni sala arid’a mi.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

Sunda hi suma a sunuzinid’a 10:26

Wani Pierre mi vum akulo, mi dum ala: Ang tchol akulo, an pî ni sana d’igi ang na.

Sunda hi suma a sunuzinid’a 13:32

Ami mbagi ni Zla d’a Djivi d’a Alona mi hle vunam kat mabuyoi ngolod’a.

Sunda hi suma a sunuzinid’a 14:21

Bugol la azi tchi wal Zla d’a Djivid’a kur azì ma ngol mámid’a, suma ablaud’a a mbut suma hata. Paul azi ki Barnabas a hulong kur Listre, Ikoniyum ki Antiyos sa Pisidi-d’a.

Sunda hi suma a sunuzinid’a 14:7

A tchi wal Zla d’a Djivid’a kua mi.

Sunda hi suma a sunuzinid’a 16:30

Mi buzuguzi woi abua, mi djobozi ala: Agi suma nglona, an le ni nana ba, ni fe suta ge?

Sunda hi suma a sunuzinid’a 27:10

Agi suma, an wala tit ta aduk mbinid’a ti mbut ni vama matna, nga ni batod’a kahle suma kurutna hol ba, a mba ba woi d’i, wani ki ei teid’a mi.

Sunda hi suma a sunuzinid’a 27:21

Kid’a azi le burâ ngola bei te tenid’a, Paul mi tchol akulo adigaziya, mi dazi ala: Agi suma, ladjï agi humun avok kid’a agi bei tchologi woi kur Kret-ta ni, ei nga fei ndaka hina d’i, ahlena nga ba woi hina d’uo mi.

Sunda hi suma a sunuzinid’a 27:25

Kayam ndata, agi buniyôna, agi vagi tagiya, an tin hurun yam Alona ala vama mi dandjina mba mi le.

Sunda hi suma a sunuzinid’a 4:24

Kid’a a humba, a zlap vunazi tu mAlona, a de ki delezi akulo ala: Salad’a, angî ma lakulod’a kandagad’a kalum ma ngolâ kahlena pet suma a nga kurumina.

Sunda hi suma a sunuzinid’a 7:26

Tcha ndjivinda mi i geveziya, mi fe Israel-lâ mbà a nga to taziya. Mi min á zlabazi adigaziya, mi gad’azi ala: Agi ni b’oziyo tagiya. Ni nana ba, agi lagi tagi sulu’â hina ge?

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.

Gat ta a hat á mbàd’id’a 5:26

Ni nge ba, yam tu mi hum del Alo ma arina aduk akud’a d’igi ei na, mi nga ki iram ge?

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

1 Timote 3:15

Wani le yan ve ni, mbaktum ndata mba d’i tagang lovota ni nana ba, ang mba tit aduk suma hAlonina, tala aduk Toka hAlo ma arinid’a, tala ni gaf fa djik gagazid’a akulod’a ge.

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Jacques 5:17

Elie ni sana d’igi ei na. Mi tchen Alona ki so tad’a ala alona mi se yam andagad’a d’i; alona mi se nga d’uo bizad’a hindi ki tilâ karagaya.

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

Vama ndum mbeina 14:7

Mi de ki delem akulo ala: Ar agi lagi mandara Alona, ar agi suburum mi, kayam yi mam ma ka sariyad’a yam suma mba wa, agi kud’urogi mam ma lakulod’a kandagad’a kalum ma ngolâ ki mbiyo ma laud’a mi na.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 19:19

An we amburâ kamulei suma yam andagad’ina ki b’rang mazid’a, a tok tazi á dur ayîna ki mam ma mi nga kaka yam akulumina ki b’rang mamba mi.

Vama ndum mbeina 22:9

Wani mi dan ala: Ang gol tang djiviya. An ni ndrang ma sunda d’igi ang na, d’igi b’oziyong suma djok vun Alona azi ki suma pet suma a ge yazi kä ad’u zla d’a kur mbaktum ndatid’a na. Ang kud’orî Alona hol.

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.

1 Samuel 12:21

Ar agi walagi woi ki sed’em á le sunda malo ma hawa yak ma ndak á ndjun sa d’oze ma ndak á sut sa d’uo na d’i, kayam mam mi alo ma hawa ya’â.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.