Sunda hi suma a sunuzinid’a 12:3 - Bible azumeina

³ Kid’a mam we vama mam luma le Juif-fâ tazi djivid’id’a, mi ve Pierre mi. Ni kur bur ma vun til ma lum kavungô ma bei angufina.

Sunda hi suma a sunuzinid’a 12:3 Kruisverwysings

Buzuk ka Abud’a 23:15

Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.

Matiye 26:17

Ad’u tinda hi vun til ma a lum kavungô ma bei angufina, suma hata hi Jesus-na a mba gevem a djobom ala: Nata yima lara ba, ang min ala ami i mining yima ei tei Pa’â kuana ge?

Jean 12:43

Ni kayam azi min ni subura hi sumid’a kal subura hAlonid’a.

Jean 19:11

Jesus mi hulong dum ala: Ladjï Alona mi hangzi ni mam mbuo ni, ang nga kad’enga kan ndi. Kayam ndata, sama han abongâ, mi kalang ki tchod’a.

Jean 21:18

Gagazi, an nga ni dangû, kid’a ang ki gogorong tua d’a, ang djin d’i’â furung katangû, ang tit ata yima hurung mina. Wani fata ang mbut wa mamarâ ni, ang mba mat abongû, sama ding mba djining d’i’â furungû, mba mi ing ata yima ang hurung minim mbuo na.

Sunda hi suma a sunuzinid’a 12:4

Kid’a mi vum dad’a, mi gum dangeina, mi hum abo adesâ hi azigarâ ma fid’ina ad’u fid’i á ngomba, kayam mi nga hurum ala bugol kala hi Pa’îd’a, mam mba ndumï woi abu avok suma.

Sunda hi suma a sunuzinid’a 2:14

Wani Pierre mi tchol akulo zlapa ki suma ding suma a sunuzi suma dogo yam tuna, mi er ad’um akulo, mi dala: Agi Juif-fâ, agi pet suma nga kaka kur Jerusalem-ma, ar agi wagi djiviya, agi tinigi humagi á hum zla manda.

Sunda hi suma a sunuzinid’a 20:6

Kid’a bur ma vun til ma lum kavungô ma bei angufina kal dad’a, ami tcholomi avo Filip ki batod’a. Ami lami burâ vahl tua ba, ami fazi sä Trowas, ami kagami kua burâ kid’iziya.

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 25:9

Wani Festus mi min á le Juif-fâ tazi djivid’a, mi de mi Paul ala: Ang min á i Jerusalem á kang sariya manga avoron sä hî zu?

Sunda hi suma a sunuzinid’a 4:13

Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

1 Tasaloni’â 2:4

Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.