Sunda hi suma a sunuzinid’a 12:21 - Bible azumeina

²¹ Kid’a bur ma Herot mi ngazizina mi ndaka, mi tchuk baru mam mba amula atamu, mi kak yam zlam mba amula, nga mi dazi zlad’a.

Sunda hi suma a sunuzinid’a 12:21 Kruisverwysings

1 Amuleina 22:10

Wani amul ma Israel-lâ kamul ma Juda-na a nga ki baru mazi ma amula ataziya. Nge nge pî mi nga kaka yam zlam mam mba amula yam yima nding ma avun agrek ma Samari-nina, suma djok vun Alona a nga djok vuna avorozi mi.

Wana ni mbaktumba hi Job-pa 15:21

Siwel la nga d’i mbut suma mandarid’a, nga d’i siwel humamu, ata yima b’leng nga halasa nga na, ma b’lak yina nga mi mba kamu.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Malatchi 3:15

Tchetchem mba wanda, hotei ni suma subur tad’a d’o, kayam azi nga ki furîd’a! Gagazi, suma tchona, ahle mazina a nga zula, a nga kuk Alona wan pî, va nga mi lazi d’i!

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

Sunda hi suma a sunuzinid’a 12:22

Suma a tum siwela gandjau ala: Ihî ni dela hAlonid’a, nga ni dela hi sa d’i.

Sunda hi suma a sunuzinid’a 24:1

Bugol burâ vahl, ma ngol ma ngat buzuna Ananiyas, mi mba Sesare ki suma nglo suma dingâ ki grang ma dingâ simiyêm ala Tertul. Azi tchuk zlad’a yam Paul avok ma te yamba Felix.

Sunda hi suma a sunuzinid’a 25:23

Tcha ndjivinda Agripa ki Berenis a min tazi ki baru mazi ma amula, a mba ki nglo suma dur ayîna ki suma nglo suma kur azì ma ngol mámina, a tchuk ata yima b’ak zlad’a. Festus mi he vuna á mbeï ki Paul avoroziya.