Sunda hi suma a sunuzinid’a 12:11 - Bible azumeina

¹¹ Djib’era hi Pierre-ra ti mba, mi dala: Ki tchetchemba, an we gagazi, Salad’a mi sunï malaika mama á sud’un ndei abo Herot kahlena pet suma Juif-fâ a ngazi kan á led’ina.

Sunda hi suma a sunuzinid’a 12:11 Kruisverwysings

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Ad’u Tinda 18:13

Ma didina mi de mi Abraham kua ala: Ni kayam me ba, Sara ti san nge? Ni kayam me ba, ti dala: An mbut mamara, an ndak á vut gor ruo ge?

Ad’u Tinda 26:9

Abimelek mi yi Isak, mi dum ala: Gagazi, ndat namanga. Ni kayam me ba, ang dan ala ndat ni wiyenga ge? Isak mi hulong dum ala: An djib’er ala le an dala ndat namanda ni, a mba tchanu.

2 Samuel 22:1

Ata yima Ma didina mi prut David tei abo mam suma djangûna petna, kal pet nabo Saul, ata yi máma David mi hle sawal la wanda mi Ma didina:

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Wana ni mbaktumba hi Job-pa 31:31

Suma avo hatana a de nga ala: Ni nge ba, mam hobom nga ki hliu mama d’uo ge d’uo zu?

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

Sawal la giled’a 109:31

Kayam mam mi grangâ hi sama houd’a á sud’um mbei abo suma a vum ki zlad’ina.

Sawal la giled’a 33:18

Wani Ma didina iram nga tinda yam suma a lum mandarama, yam suma tin huruzi yam o mam mba didinda

Sawal la giled’a 33:19

á sud’uzi woi avun matna, á ndjunuzi á kak karid’a ata yima baktarad’ina mi.

Sawal la giled’a 34:22

Sama asa’atna mba mi mit yam asa’at mamba, suma a kak djangûna ki sama d’ingêrîna, Ma didina mba mi kazi sariyad’a kaziya.

Sawal la giled’a 34:7

Ata yima sama hohoud’a mi tchi yam Ma didinina, mam hulongôm humba, mam sud’um mbei kur ndak mamba pet mi.

Sawal la giled’a 41:2

Sama nga mi le yam ma hohoud’ina mi le furîd’a, kayam Ma didina mba mi sud’um kur bur ma ndaka mba kama.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Daniel 3:25

Amulâ mi hulong dazi kua ala: Ni nana ba, an nga ni we suma fid’i a nga tit aduk akud’a bei djinda, bei vama tcho mi lazi ba ge! An we sama fid’ina iram hle tat d’igi ir gor alona na!

Daniel 3:28

Amulâ mi er ad’um akulo ala: Ar ei gilei Alona hi Sadra’â, Alona hi Mesa’â, Alona hi Aben-Nego-na! Mi sunï malaika mama, mi prut mam suma sun suma a deng tazi atama woyo. Azi tchila yam vun ma he mana, azi he tazi á matna tala azi kud’orî Alo mazina tu kal la azi kud’or alo ma dingâ d’a.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Wana ni Zla d’a Djivi d’a Luc mi b’irita 15:17

Wani iram mal lei yam vama mi luma, mi dala: Azungeîna habuna pet a nga te tena kal kaziya, wani an meid’a nga d’i tchan ka hî.

Sunda hi suma a sunuzinid’a 12:7

Ata yi máma, malaikana hi Salad’ina mi nde tam mbei gen Pierre, b’od’a b’o kur gong nga dangeina. Mi tum Pierre fefed’emu, mi zlid’im akulo, mi dum ala: Ang tchol akulo atogo. Kindjing ma aboma mi tchuk kä.

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 25:9

Wani Festus mi min á le Juif-fâ tazi djivid’a, mi de mi Paul ala: Ang min á i Jerusalem á kang sariya manga avoron sä hî zu?

Sunda hi suma a sunuzinid’a 5:19

Wani malaikana hi Salad’ina mi mba andjege, mi mal vun gong nga dangeina woyo. Mi buzuguzi woi abua, mi dazi ala:

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.