Sunda hi suma a sunuzinid’a 12:1 - Bible azumeina

¹ Ata yi máma, amulâ Herot mi nde djop vun suma dingâ aduk suma toka.

Sunda hi suma a sunuzinid’a 12:1 Kruisverwysings

Sawal la giled’a 125:3

Ma te leu ma asa’atna mba mi te leud’a teteu yam suma d’ingêrâ d’i kayambala suma d’ingêrâ a mbut suma le tchod’a d’uo d’a.

Matiye 14:1

Ata yi máma, Herot ma te yamba yam andaga d’a Galile-d’ina, mi hum zla Jesus.

Matiye 14:3

Kayam adjeu Herot mi ve Jean mi djinim mi gum dangeina kayam Herodiyas atchad’a hi wiyema Filip-pa.

Matiye 14:6

Kid’a Herot mi le tena yam bur mam ma vutid’a, Herodiyas gorota ti nde lü ndjongâ woi avok suma mi yazï yam tenina. Herot tam lum djivid’a heî yam ndjong matna.

Matiye 24:9

Kayam ndata, azi mba hagi abo suma a mba djobogi vunagiya, a mba tchagi mi. Andjaf suma pet a mba noyôgi woi yam simiyên mi.

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Jean 15:20

Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Sunda hi suma a sunuzinid’a 11:30

Azi le hina mi, a sun ahle ndazina mi suma nglona abo Barnabas azi ki Saul.

Sunda hi suma a sunuzinid’a 12:2

Mi tchi Jacques Jean wiyema ki mbigeu d’a fiyaka.

Sunda hi suma a sunuzinid’a 4:30

Ang mat abong á sut suma tugud’eid’a, á lahle suma simata kahle suma ndandalâ ki simiyê azong mang ma bei tchod’a ba na Jesus.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.