Sunda hi suma a sunuzinid’a 11:3 - Bible azumeina

³ Ni kayam me ba, ang kal avo hi suma bei ngat bayâd’a, ang te ki sed’ezi mi ge?

Sunda hi suma a sunuzinid’a 11:3 Kruisverwysings

Matiye 9:11

Kid’a Fariziyêna a we hina d’a, a de mi mam suma hata ala: Ni kayam me ba, magi ma hat suma nga mi te tena ki suma ve lombod’a azi ki suma tchona mi ge?

Wana ni Zla d’a Djivi d’a Luc mi b’irita 15:2

Fariziyêna azi ki suma hat gata a nga gureî ala: Sa máma mi yo suma tchona, mi nga mi te ki sed’eziya.

Jean 18:28

A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â.

Sunda hi suma a sunuzinid’a 10:23

Ata yi máma, Pierre mi kal ki sed’ezi avo, mi hazi yima burâ. Tcha ndjivinda Pierre mi tchol mi i ki sed’eziya. B’oziyod’a suma hiu suma Joppe-na a i ki sed’em mi.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Sunda hi suma a sunuzinid’a 10:32

Kayam ndata, ang sun suma Joppe a yï Simon ma a yum ala Pierre-râ, mi nga tchuka avo hi Simon ma yap bogoyona avun alum ma ngolâ.

Sunda hi suma a sunuzinid’a 10:48

Mi hazi vuna á lazi batemba ki simiyê Jesus Christ. Bugola, suma hi Kornei-na a tchenem ala mi kak ki sed’ezi burâ tcha tua.

1 Korente-na 5:11

Wani an dagi ni yam sama yi tam ala mam mi kretiyêna na. Wani le ni ma mizeuna, d’oze ma a’arad’a, d’oze ma tuwal fileina, d’oze ma ngul suma, d’oze ma gurut ki süma, d’oze ma kula, ar agi lagi darigïd’a ki sed’em mbi, ar agi tagi va ki sed’em mbuo mi.

Galat-na 2:12

Kayam avok ka suma Jacques mi sunuzina a nga bei mbad’a tua d’a, mam nga mi te tena ki b’oziyoi andjaf suma dingâ. Wani ata yima azi mbazina, mam wal tam mbei bei te tena ki sed’ezi kayam mi le ni mandara suma a min ngat andjaf suma dingâ bayâd’ina.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.