Sunda hi suma a sunuzinid’a 11:29 - Bible azumeina

²⁹ Suma hata a nga huruzi ala nge nge pî mi he vama ndak yam ad’eng mamba, a sun ahle suma ndjunda mi b’oziyod’a suma avo Jude-na mi.

Sunda hi suma a sunuzinid’a 11:29 Kruisverwysings

Esdras 2:69

A hahle suma guzuzi kal teglesâ ndak yam ad’eng mazid’a á min ki gong ndata, ndak ir bege d’a lora 61.000 ki kilona hi bege d’a hapa 2500; a he baru d’a suma ngat buzuna a tchugut atazid’a 100 mi.

Nehemi 5:8

An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.

Matiye 25:17

Mam ma ve talanda mbàna, mi le hina mi, mi fe kat kua mbà mi.

Jean 2:2

A yi Jesus ki mam suma hata ata yima tela mi.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 11:1

Suma a sunuzina ki b’oziyod’a suma a nga kur Jude-na, a hum ala andjaf suma dingâ a ve wa zlad’a hAlonid’a mi.

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 13:52

Suma hat suma Antiyos-sâ a le furîd’a ngola, a oî ki Muzuk ma bei tchod’a ba na mi.

Sunda hi suma a sunuzinid’a 14:20

Wani ata yima suma hata a mba á nguyuma, mi tchol akulo, mi kal hur azì ma ngolâ. Tcha ndjivinda Paul azi ki Barnabas a i Derbe.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 24:17

Bugol bizad’a tcha, an mba ki he d’a hawad’a mandjavan ki vama ngat buzuna mAlona mi.

Sunda hi suma a sunuzinid’a 4:34

Wani sama adigazi ma kid’ak va nga d’i. Azi pet ni suma a nga kasinena kazinina, a guzuzi woyo, a mba ki beged’a hahle suma azi guzuzi woina pet,

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Sunda hi suma a sunuzinid’a 9:19

Mi te tena, mi fad’enga mi. Saul mi le burâ tcha ki suma hata hi Salad’a suma avo Damas-sâ.

Sunda hi suma a sunuzinid’a 9:25

Wani mam suma hata a gum kur gagalagad’a kandjeged’a, a sirim kä yam gulumuna.

1 Korente-na 13:5

Sama od’a nga mi le vama zulo d’i, nga mi hal va kayam tam mbi, hurum nga mi zal atogo d’i, nga mi ve sa kurum mbuo mi.

Galat-na 2:10

Wani azi gigid’emi ala ami marami yam suma houd’a d’i. Wana ni vama ngol ma tan nga d’i lan zlezleû kam á led’ina.