Sunda hi suma a sunuzinid’a 11:26 - Bible azumeina

²⁶ Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sunda hi suma a sunuzinid’a 11:26 Kruisverwysings

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Jean 2:2

A yi Jesus ki mam suma hata ata yima tela mi.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Sunda hi suma a sunuzinid’a 11:20

Wani suma dingâ adigazi ni suma Sipre-na ki suma Siren-na. Sum ndazina a i Antiyos, a tchi wal Zla d’a Djivid’a hi Salad’a Jesus-d’a mandjaf suma dingâ mi.

Sunda hi suma a sunuzinid’a 11:22

Suma tok suma Jerusalem-ma a hum zla mazid’a, a sun Barnabas Antiyos.

Sunda hi suma a sunuzinid’a 11:27

Kur bur máma suma djok vun Alona a tcholï Jerusalem, a i Antiyos.

Sunda hi suma a sunuzinid’a 11:29

Suma hata a nga huruzi ala nge nge pî mi he vama ndak yam ad’eng mamba, a sun ahle suma ndjunda mi b’oziyod’a suma avo Jude-na mi.

Sunda hi suma a sunuzinid’a 14:20

Wani ata yima suma hata a mba á nguyuma, mi tchol akulo, mi kal hur azì ma ngolâ. Tcha ndjivinda Paul azi ki Barnabas a i Derbe.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Sunda hi suma a sunuzinid’a 14:28

Azi kak ki suma a he gagazid’ina burâ ngola.

Sunda hi suma a sunuzinid’a 18:27

Bugol la Apolos mi min i Akai-d’a, b’oziyoina a min ala mi i mi, a lum mbaktumba abom mi suma a he gagazid’a kur ambas ndatina ala a vum ataziya. Kid’a mi mbazid’a, mi ndjun suma a he gagazid’ina kayam Alona mi tagazi suma mamba.

Sunda hi suma a sunuzinid’a 19:9

Wani suma ablaud’a a min he gagazid’a d’i, a nga las lovota hi Salad’id’a avok suma ablaud’a mi. Kayam ndata, mi nde woi adigaziya, mi yo suma hata woi adigaziya, mi tchi tuguyod’a kur gong nga hata hi Tiranus-sa.

Sunda hi suma a sunuzinid’a 20:1

Kid’a yalâ ba dad’a, Paul mi tok suma a he gagazid’ina. Bugol la mi gigid’ezi gigeta, mi gazi depa, mi tchol á i Maseduwan.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

Sunda hi suma a sunuzinid’a 21:4

Kid’a ami fami suma a he gagazid’ina fed’a, ami lami burâ kid’iziya ki sed’eziya. Muzu’â hAlonina mi dazi ala a de mi Paul ala mi djak i Jerusalem mbi.

Sunda hi suma a sunuzinid’a 26:28

Agripa mi de mi Paul ala: Ang ar go á mbud’un kretiyêna!

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Sunda hi suma a sunuzinid’a 9:19

Mi te tena, mi fad’enga mi. Saul mi le burâ tcha ki suma hata hi Salad’a suma avo Damas-sâ.

Sunda hi suma a sunuzinid’a 9:38

Lida ni go ki Joppe. Suma hata a hum ala Pierre nga kua, a sun suma mbà kam ala: Ar ang le lilinga á mba gevemi d’i.

1 Korente-na 11:18

Avok an hum ala ata yima agi nga togogi tuna, wala nga adigagiya. An djib’er ala zla d’a gagazid’a nga kur de ndata.

1 Korente-na 12:12

Hliu tad’a ni tu, wani ir hliu tad’a nablaud’a. Ir hliu tad’a tutu pet le nablaud’a pî, hliu tad’a ni tu. Christ ni hina mi.

1 Korente-na 14:23

Kayam ndata, le suma Toka ki zlazi pet a nga toka, le agi nga dagi zlad’a ki vun ma tetengâ, le suma bei wad’ud’a d’oze suma bei he gagazid’a á tchuk adigagiya ni, a mba dagi ala agi ni lilid’a d’uo zu?

1 Korente-na 4:17

Kayam ndata, an nga ni sunugi sä Timote goron ma an hurun vum heîna, ni ma d’engzengâ yam Salad’a mi. Mam mba mi vagi ad’ud’a yam tit man nda zlapa ki Christ-sa. Tit ndata ni hat ta an nga ni hat suma kur Toka lara ge peta mi.

Efes-sâ 3:15

ma tin simina mandjaf ma lara ge pet ma sä kur akulod’a ki ma yam andagad’a mi na.

Jacques 2:7

Ni azi ba, a nga ngul simi ma djivi ma Alona mi tinigizina d’uo zu?

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

1 Pierre 4:16

Wani le sana nga mi fe ndaka kayamba mam mi kretiyêna ni, ar mi le zulona d’i, wani mi le ni mersi mAlona ki simiyê Christ.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.