Sunda hi suma a sunuzinid’a 11:23 - Bible azumeina

²³ Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 11:23 Kruisverwysings

2 Amuleina 18:6

Mi reî ki Ma didina fafat bei mi wal ki sed’em mbei ba, mi ge yam kä ad’u vun ma he ma Ma didina mi hum mi Moise-sâ memet mi.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Zla d’a d’ogolâ 23:15

Gorona, le ang tin hurung yam ned’a ni, an mba ni le furîd’a kurun krovo mi.

Zla d’a d’ogolâ 23:28

A nga bur suma kä d’igi suma kul suma tchi matna na, a nga zul suma mbut ira aduk suma mi.

Daniel 1:8

Daniel mi nga hurum ala mi min mbut tam ndjendjed’a ki tena ki süm ma tched’a hamulîna d’i. Kayam ndata, mi tchen ma ngolâ hazungeîna hamulîna ala mi lum kad’enga á mbut tam ndjendjed’a ki tena ki süm ma tche máma d’i.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Marik 2:5

Kid’a Jesus mi we he gagazi mazid’id’a, mi de mi ma gugutud’a ala: Gorona, an vat wa hurun ndei yam tcho manga da’.

Jean 15:4

Kagagi zlapa tu ki sed’enu, an mba kak kurugi mi. Abo guguzlud’a ndak á vut yam tat ti, mbeî nata abuwad’u. Hina mi, agi le kagagi zlapa tu ki sed’en nduo ni, agi ndak á vud’ugi d’uo mi.

Sunda hi suma a sunuzinid’a 13:43

Kid’a suma toka a b’raud’a, Juif-fâ ablaud’a ki suma mbut Juif-fâ suma a nga le mandara Alonina, a nga tit ad’u Paul azi ki Barnabas. Paul azi a dazi zlad’a, a gigid’ezi ala ar azi kak kur sumad’a hAlonid’a ngingring.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 14:26

Ata yi máma, a djak kur batod’a, a i Antiyos. Ni yima azi tcholï kua adjeu kid’a suma nglona a tchen Alona kazi kayam mi ndjunuzi yam sun nda azi dabat wanda d’a.

Sunda hi suma a sunuzinid’a 15:40

Wani Paul mi man Silas. Kid’a b’oziyoina a tchen Salad’a kazi tchenda, a arazi a iya.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Sunda hi suma a sunuzinid’a 4:36

Josef ma suma a sunuzina a tinim simina ala Barnabas-sâ, nala, Sama b’leng hurâ, mam mi ma ad’u andjafâ hi Levi ma a vud’um yam til la Sipre-d’ina,

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 1:17

Ata yima an djib’er hina na, an mbut ni sama mbàmbàd’a zu? D’oze vama an nga hurun kama, an nga hurun ni yam hliuna zu? An dala: Â, Â! ki Hawa, Hawa! ata yima tuna zu?

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 30:20

Agi lagi yam Ma didina Alo magina, agi gagi yagi kä avoromu, agi kagagi ni suma d’engzengâ avoromu, agi zlabagi tu ki sed’emu. Hina wani, agi mba kagagi ki arid’a, agi mba tagi ngola tatâ yam andaga d’a mam hle vunam kat á hat mabuyogi ngolo Abraham, Isak ki Jakob-pa.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

Josue 22:5

Wani agi tid’igi yam vun ma hed’a ki gat ta Moise mi hagizid’a djiviya, agi lagi yam Ma didina Alo magina, agi tid’igi kur lovot mamba, agi ngomogi vun ma he mama, agi reyêgi tagi ki sed’emu, agi lum sunda ki hur ma tuna ki tagi pet mi.

Josue 23:8

Wani agi reyêgi ki Ma didina Alo magina d’igi agi nga lagi gak ini na.

1 Pierre 5:12

An de mi Silas ala mi b’irigi mbaktum mba gor ra wanda. Ni ma an golom d’igi wiyei ma d’engzengâ na na. An nga ni gigid’egiya, an nga ni le glangâsâ yam sumad’a hAlonid’a ala ni d’a gagazid’a. Agi tchologi kurut ngingring.

1 Jean 2:28

Grona, ki tchetchemba, agi kagagi zlapa tu ki Christ, kayam fata mam nde woid’a, ei mba kagei bei mandarâ ba. Kur bur ma mba mambina, zulona mba mi lei avorom mbuo mi.

3 Jean 1:4

Ata yima lara ma an hum ala grona a nga tit kur gagazid’a na, an nga ki furî d’a ding nga kal ndatid’a nga d’i.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.