Sunda hi suma a sunuzinid’a 11:19 - Bible azumeina

¹⁹ Suma a he gagazid’ina a b’rau woi yayak abo djop vun ma mba kazi kur bur ma a tchi Etienne-na. Suma dingâ adigazi a i kur Fenisi ki Sipre ki Antiyos, wani a nga tchi wal zlad’a hAlonid’a ni mi Juif-fâ hohol.

Sunda hi suma a sunuzinid’a 11:19 Kruisverwysings

Matiye 10:6

Agi igi nata tumiyô suma vit tei suma aduk Israel-lîna.

Jean 7:35

Kayam ndata, Juif-fâ a de tazi ala: Sa máma, mi i ni lara ba, ei ndak á feizi d’uo ge? Mi i ni gen Juif suma a b’rau woi aduk suma Gre’â á hat suma Gre’â zu?

Sunda hi suma a sunuzinid’a 11:20

Wani suma dingâ adigazi ni suma Sipre-na ki suma Siren-na. Sum ndazina a i Antiyos, a tchi wal Zla d’a Djivid’a hi Salad’a Jesus-d’a mandjaf suma dingâ mi.

Sunda hi suma a sunuzinid’a 11:22

Suma tok suma Jerusalem-ma a hum zla mazid’a, a sun Barnabas Antiyos.

Sunda hi suma a sunuzinid’a 13:1

Aduk suma tok suma Antiyos-sâ, suma djok vun Alona ki suma hat suma a nga, nala, Barnabas, Simeon ma a yum ala Ma wurana na, Lusiyus ma Siren-na, Manayen ma wul asem tazi kamulâ Herot-na ki Saul mi.

Sunda hi suma a sunuzinid’a 13:4

Muzuk ma bei tchod’a ba na, mi sun Barnabas azi ki Saul. A i kur Selusi, a hle batod’a, a i kur til la Sipre-d’a.

Sunda hi suma a sunuzinid’a 13:46

Wani Paul azi ki Barnabas a dazi zlad’a woi mbak bei mandarâ ba ala: Nata yat á tchi wal zlad’a hAlonid’a mi agi avogo. Wani agi zud’ut teyo, agi kagi sariyad’a kagi ala agi ndagagi nga ata ari d’a didinda d’i. Ni kayam ndata ba, ami nga mbud’umi irami ata andjaf suma dingâ.

Sunda hi suma a sunuzinid’a 14:26

Ata yi máma, a djak kur batod’a, a i Antiyos. Ni yima azi tcholï kua adjeu kid’a suma nglona a tchen Alona kazi kayam mi ndjunuzi yam sun nda azi dabat wanda d’a.

Sunda hi suma a sunuzinid’a 15:22

Ata yi máma, suma a sunuzina ki suma nglona ki suma toka pet a ndjak vunazi á man suma adigazi á sunuzi Antiyos zlapa ki Paul azi ki Barnabas. Azi man Jude ma a yum ala Barsabas-sâ ki Silas, ni suma nglo suma avok b’oziyozinina.

Sunda hi suma a sunuzinid’a 15:3

Kid’a suma toka a tinizi dad’a, a kal yam andaga d’a Finisi-d’a ki d’a Samari-d’a. A nga vazi ad’ud’a ni nana ba, andjaf suma dingâ a mbut huruzi mAlona ge. B’oziyoina pet a le furîd’a ngola.

Sunda hi suma a sunuzinid’a 15:30

Ata yi máma, azi tiniziya, a i Antiyos, a tok ablau suma toka, a hazi mbaktum ndata.

Sunda hi suma a sunuzinid’a 15:35

Wani Paul azi ki Barnabas a kak Antiyos. A nga hat suma, a nga tchi wal zlad’a hi Salad’id’a zlapa ki suma dingâ ablaud’a mi.

Sunda hi suma a sunuzinid’a 15:39

Tuguyod’a tchol adigazi ngola, gak a wala. Barnabas mi ve Marik ad’umu, a djak kur batod’a, a i Sipre.

Sunda hi suma a sunuzinid’a 18:22

Kid’a mi mbaza avo Sesare-d’a, mi djak i Jerusalem á ge suma toka depa, mi kal mi i Antiyos.

Sunda hi suma a sunuzinid’a 21:16

Suma hat suma Sesare-na a mba ki sed’emi mi. A imi avo hi Minason ma Sipre-na, ni ma ami mba tchugumi avo hatama. Sa máma ni ma he gagazid’a avok deina.

Sunda hi suma a sunuzinid’a 21:2

Ata yi máma, ami fami bato d’a ding nga nga d’i djak á i Fenisi-d’a. Ami djagami kua, ami imiya.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Sunda hi suma a sunuzinid’a 4:36

Josef ma suma a sunuzina a tinim simina ala Barnabas-sâ, nala, Sama b’leng hurâ, mam mi ma ad’u andjafâ hi Levi ma a vud’um yam til la Sipre-d’ina,

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Galat-na 2:11

Ata yima Pierre mi mbaza Antiyos-sâ, an ngobom avok suma pet, kayam zlad’a nga kamu.