Sunda hi suma a sunuzinid’a 11:16 - Bible azumeina

¹⁶ Human gan yam zla d’a Salad’a mi dat ala: Jean mi le suma batemba ni ki mbina, wani an mba ni lagi batemba ni ki Muzuk ma bei tchod’a ba na d’a.

Sunda hi suma a sunuzinid’a 11:16 Kruisverwysings

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Matiye 3:6

Ata yima azi de tcho mazid’a woina, mi nga mi lazi batemba kur alum ma Jurdê-na mi.

Marik 1:8

An lagi batemba ni ki mbina, wani mamu, mba mi lagi batemba ni ki Muzuk ma bei tchod’a ba na.

Wana ni Zla d’a Djivi d’a Luc mi b’irita 24:8

Aropma a djib’er yam zla d’a Jesus mi dazizi avoka.

Wana ni Zla d’a Djivi d’a Luc mi b’irita 3:16

Jean mi hulong dazi pet ala: Anu, an nga ni lagi batemba ni ki mbina. Wani ma nga mbana, ad’engêm kalanu. An ndak nga ki mam mbi. Ziyo atuguru mama pî, an ndak á bud’um mbi. Ni ma mba lagi batemba ni ki Muzuk ma bei tchod’a ba na kakud’ina.

Jean 1:26

Jean mi hulong dazi ala: An le suma batemba ni ki mbina. Sama agi wum nga d’uo na, mi nga tchola adigagiya,

Jean 1:33

Avok an wum nga d’i, wani Alo ma mi sununï á le suma batemba ki mbinina, mi dan ala: Mam ma ang we Muzu’â mi surobï akulo, mi kak kama, ni mam ma mba mi le suma batemba ni ki Muzuk ma bei tchod’a ba nina.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Jean 16:4

Wani an dagi ahle ndazina hina, kayam fata yi máma mbad’a, agi mba djib’eregi yam zla d’a an dagizid’a. Jesus mi dazi kua ala: An dagi nga ahle ndazina avok kei d’i, kayam an nga ki sed’egiya.

Sunda hi suma a sunuzinid’a 1:5

Kayam Jean mi le suma batemba ni ki mbina, wani ar nga burâ ngol li an mba ni lagi batemba ki Muzuk ma bei tchod’a ba na.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

1 Korente-na 12:13

Kayam Muzuk ma tu máma ba, mi lei batemba á mbud’i hliu ma tuna, le ni Juif-fâ d’oze andjaf suma dingâ, d’oze magumeina d’oze gro vuta, ei pet tchei ni kur Muzuk ma tu máma mi.

2 Pierre 3:1

Buniyôn suma od’a, wana ni mbaktum mba mbà d’a an b’irigizid’a. Kurut djak an zlid’igi akulo kur djib’er magi d’a djivid’a á gagi humagi yam hat ta an had’agizid’a.