Sunda hi suma a sunuzinid’a 10:43 - Bible azumeina

⁴³ Suma djok vun Alona pet a le glangâsâ kam ala nge nge pî ma he gagazid’a kama, Alona mba mi vat hurum mbei yam tcho mamba ki simiyêmu.

Sunda hi suma a sunuzinid’a 10:43 Kruisverwysings

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Jean 1:45

Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Sunda hi suma a sunuzinid’a 15:9

Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

Sunda hi suma a sunuzinid’a 3:16

Nata ad’enga hi Jesus-d’a, nata he gagazid’a yam simiyêm ba, sama wana mi mbut ad’enga, agi nga gologizi agi wagizi wan mi. Ni yam he gagazi d’a yam Jesus-d’a ba, sa máma mi tchol akulo avorogi wan pet na.

Sunda hi suma a sunuzinid’a 3:18

Wani Alona mi ndak vun ahle suma mi dazi avok avun mam suma djok vuna pet ala Mesi mba mi fe ndaka na.

Romê-na 10:11

Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi.

Romê-na 3:21

Wani ki tchetchemba, Alona mi tagei woi ala ni nana ba, mi mbud’i suma d’ingêrâ avorom ge. Ni yam gata hi Moise-sa d’i, wani ni yam d’ingêr ra gata azi ki suma djok vun Alona a le glangâsâ kata.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

Galat-na 3:22

Wani mbaktumba hAlonid’a ti dala suma kur duniyad’ina pet a nga ni kä ad’u ad’enga hi tchod’id’a. Hina wani, suma a he gagazid’ina a fe he d’a hawa d’a Alona mi hle vunam kata ni yam he gagazi mazi d’a yam Jesus Christ-sa.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Kolos-sâ 1:14

Ni Ma wurak keina, ni Ma hurum vat tei yam tcho meid’a mi na.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

1 Pierre 1:11

Muzu’â hi Christ ma nga kuruzina, mi tagazi ndaka hi Christ-sa woi ki subur mam mba mba bugola. Kayam ndata, azi so tazi á wad’ud’a yam atchogoid’a hi mba mambid’a kahle suma a mba le ata yi mamina mi.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.