Sunda hi suma a sunuzinid’a 10:35 - Bible azumeina

³⁵ Wani aduk andjaf ma lara ge petna sama lara ma nga mi lum mandaram ma nga mi le d’ingêrina, ni ma Alona tam mbi lum djivid’a kama.

Sunda hi suma a sunuzinid’a 10:35 Kruisverwysings

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Sawal la giled’a 19:9

Vun ma hed’a hi Ma didinina ni d’ingêr, nga mi he sana furîd’a kurum krovo; vun ma hed’a hi Ma didinina ni ma iratna, nga mi mal ir sana woyo;

Sawal la giled’a 85:9

An min hum zla d’a Ma didina Alo mana mi data. Nga mi de zla d’a halasa mi mam suma d’engzeng suma iratna, kayam azi hulong kur lili mazid’a d’uo d’a.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Zla d’a d’ogolâ 16:6

Ni yam djivid’a ki gagazid’a ba, a has tchod’a woyo, ni yam led’a le mandara Ma didinid’a ba, sana mi wal lei ki tchod’a.

Zla d’a d’ogolâ 2:5

ata yi máma ang mba we á le mandara Ma didina, ang mba fe lovota á wAlona mi.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Wana ni Zla d’a Djivi d’a Luc mi b’irita 1:28

Malaikana mi kal gevet mi dat ala: An gak depa. Alona mi vak wa sumad’a, Salad’a mi nga ki sed’egu.

Sunda hi suma a sunuzinid’a 10:2

Ni sama djivina, nga mi le mandara Alona ki suma avo hatama pet. Mi nga mi ndjun suma hou suma Juif-fâ ngola, nga mi tchen Alona teteu mi.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Sunda hi suma a sunuzinid’a 15:9

Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Romê-na 2:13

Kayam ni suma a nga hum gata ki humazi go na ba, a mba mbut suma d’ingêrâ avok Alona d’i, wani ni suma a nga ge yazi kä ad’utna hol.

Romê-na 2:14

Andjaf suma ding suma a we nga gata hi Juif-fîd’a d’uo na, a nga le sunda yam tazi d’igi gata de na, le azi nga ki gata d’uo pî, azi tazid’a ni gata yam taziya.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

1 Korente-na 12:13

Kayam Muzuk ma tu máma ba, mi lei batemba á mbud’i hliu ma tuna, le ni Juif-fâ d’oze andjaf suma dingâ, d’oze magumeina d’oze gro vuta, ei pet tchei ni kur Muzuk ma tu máma mi.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 5:21

Ar agi gagi yagi kä ad’u tagi d’igi agi gagi yagi kä avok Christ na mi.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.