Sunda hi suma a sunuzinid’a 1:8 - Bible azumeina

⁸ Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Sunda hi suma a sunuzinid’a 1:8 Kruisverwysings

Sawal la giled’a 22:27

Suma lulumana a mba të, a mba hoba; suma a nga hal Ma didinina a mba gilemu; ar va lazi d’i.

Sawal la giled’a 98:3

Humam gum yam o mam mba didinda, yam d’engzeng mam mba yam azì ma Israel-lîd’a. Andagad’a vunat ma dabid’a pet, ti we suta hAlo meinid’a.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Matiye 24:14

Zla d’a Djivi d’a yam leud’a hAlonid’a a mba tchat walat tei mi suma yam andagad’ina pet á le glangâsâ mandjaf suma pet. Ata yi máma, ad’u dabid’a mba d’i mba.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Wana ni Zla d’a Djivi d’a Luc mi b’irita 24:29

Wani azi d’elemu, a dum ala: Ang kak ki sed’emiya, kayam afata ar go á nika, yina kal wa. Mi kal avo á kak ki sed’eziya.

Jean 15:27

Agi mba lagi glangâsâ kan mi, kayam agi nga ki sed’en ni kad’u tinda dei.

Sunda hi suma a sunuzinid’a 1:22

ni ma mi tinï ad’ud’a ata batemba hi Jean-d’a dei gak bur ma Alona mi hle Jesus sä akulo adigeina. Mbeî sa máma mi mbut ni ma le glangâsâ zlapa ki ami yam tchola hi Salad’a Jesus d’a akulo aduk suma matnid’a.

Sunda hi suma a sunuzinid’a 1:5

Kayam Jean mi le suma batemba ni ki mbina, wani ar nga burâ ngol li an mba ni lagi batemba ki Muzuk ma bei tchod’a ba na.

Sunda hi suma a sunuzinid’a 13:31

Jesus mi tak tam mbei burâ ablaud’a mi suma a tcholï ki sed’em Galile a i ki sed’em Jerusalem-ma, ni suma a nga le glangâsâ kam mi Israel-lâ ki tchetchembina mi.

Sunda hi suma a sunuzinid’a 2:32

Ni Jesus máma ba, Alona mi tcholom akulo; ami pet ni suma glangâsâ yam zla ndata mi.

Sunda hi suma a sunuzinid’a 22:15

Kayam ang mba mbut ma glangâs mama avok suma pet yam vama ang wuma, yam vama ang humuma mi.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Sunda hi suma a sunuzinid’a 4:33

Suma a sunuzina a nga le glangâsâ kad’enga ngola yam tchol la akulod’a hi Salad’a Jesus-d’a, Alona mi b’e vunam kazi pet mi.

Sunda hi suma a sunuzinid’a 5:32

Ami ni suma glangâsâ yam ahle ndazina, zlapa ki Muzuk ma bei tchod’a ba ma Alona mi hum mi suma a ge yazi kä ad’uma.

Sunda hi suma a sunuzinid’a 6:8

Etienne ma Alona mi b’e vunam kam mi hum ad’enga mi na, mi lahle suma atchapma kahle suma simata ngola aduk suma.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Romê-na 10:18

Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala: Suma a humuzi delezi yam andagad’a pet, zla mazid’a ti b’rau woi avun dabid’a handagad’id’a pet mi.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.