Abdiyas 1:5 - Bible azumeina

⁵ Le suma kula d’oze suma hurum ahlena a mba avo hatagi andjege ni, gagazi, a mba b’lagagiya, a mba kulï ahle suma huruzi minizina d’uo zu? Le suma dut guguzlud’a a mba avo hatagiya ni, a mba arî guguzlud’a blangâtna akulo hol luo zu?

Abdiyas 1:5 Kruisverwysings

2 Samuel 1:19

Israel-lâ, mang ma gangrang ma durâ, mi puk kä yam yima ndingâ. Ni nana ba, mang suma gangrangâ a puk kä ge?

Isai 14:12

Ang avevel ma fo yina, ni nana ba, a gangî kä woi ge? Ang ma kus yam andjaf sumina, a gangî kä woi andaga!

Isai 17:6

Ma didina Alona hi Israel-lîna mi dala: Israel-lâ a mba arî d’igi hele ma suma a tchuma d’oze d’igi agu olif ma suma a tchum ki agigleuna mi ar akulo ata aguwam mbà d’oze hindi d’oze fid’i d’oze vahl ata aboma na.

Isai 24:13

Zla ndata mba d’i mba kur ambasa aduk suma ni d’igi a tchi vud’agu olifâ na, d’igi sana mi tchi helena balum guguzlu d’a a d’ud’ut teid’a na mi.

Jeremi 49:9

Le suma dut guguzlud’a a mba hatagiya ni, a mba ar ades guguzlud’a akulo nde d’uo zu? Le suma kula a mba andjege ni, a mba yo nahle suma a ndak á yod’ina hol luo zu?

Jeremi 50:23

Ni me mama na ge? Babilon ni marto d’a ti to suma yam andagad’ina woid’a. Gola! Ti to wa woi kikizek, ti mbut wa djona aduk suma. Na ni gagazi zu?

Jeremi 6:9

Ma didin ma ad’engêm kal petna mi dala: A mba dut Israel suma a arâ d’igi sana mi dut guguzlud’a na. Ang hulong tin abong kua á dud’uzi d’igi sana mi dut guguzlud’a ata abowat na.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Abdiyas 1:9

Agi suma Teman-na, mandarâ mba mi ve grang magi suma durâ, azigar suma kur ambasina pet, a mba tchazi woi mi.

Mise 7:1

Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Gat ta a hat á mbàd’id’a 24:21

Ata yima agi ngad’agi vud’a guguzlu magid’ina, agi lagi hina mi, agi hulongôgi ata blangât ma ar akulona d’i, agi arat ni mangeina ki ma hokuyod’a katcha d’a modonod’a.

Vama ndum mbeina 18:10

A mba tchol sä woi hina dei abo mandarâ hi ndak ka mba kata, a mba dala: Ni zla d’a hohoud’a, ni zla d’a hohoud’a kang ang azì ma ngol ma Babilon ma kal teglesâ. Ni ang ba, kang sariyad’a kang kur ler ra tud’a wana!