Abdiyas 1:14 - Bible azumeina

¹⁴ Nga djivid’a agi tchologi avun grak lovota á tchagi mazi suma a nga ringâ d’i, nga djivid’a agi hagi mazi suma a arâ mi ma djangûna kur bur ma ndaka d’uo mi.

Abdiyas 1:14 Kruisverwysings

Ad’u Tinda 35:3

Ei tcholeya, ei i Betel; an i ni min yima ngal ahle suma ngat buzuna mAlo ma mi hulongôn humba ata yima an nga kur ndakina, ni Ma mi nga ki sed’en kur tit manda ata yima lara ge petna.

Sawal la giled’a 31:8

Yam djivi manga, an mba ni le furîd’a ki hur ma hapma, kayam ang wan hohou manda, ang we a’alî d’a atan krovod’a mi.

Isai 16:3

Suma hi Mowap-ma a nga tchen suma Jerusalem-ma ala: Agi dami d’alâ, agi ngagi hurugi yam va tu, agi baragi gigingâgi kami falei d’ad’ar d’igi andjeged’a ti duk yina na, agi ngeyegi mami suma a nga hal yima ngeid’ina, agi dagi woi yam mami suma a nga ringâ d’i.

Isai 16:4

Ar mami suma a hal yima ngeid’ina a kak avo hatagiya, agi baragi gigingâgi kazi avok ma b’lak yina. Fata ma djop vun suma mi ar bei djop vun sumid’a, fata ma murud’umba mi ar bei le murud’umbid’a, fata ma b’lak yina a hlum mbei kur ambasid’a,

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Amos 1:6

Ma didina mi dala: Suma Gaza-na a nga i avogovok kur tchod’a wan pî, an mba ni djok vunan yam zla d’a an data d’i. kayam azi yo suma magomba, a hazi mi suma Edom-ma,

Amos 1:9

Ma didina mi dala: Suma Tir-râ a nga i avogovok kur tchod’a wan pî, an mba ni djok vunan yam zla d’a an data d’i. Kayam a yo suma magomba pet, a hazi mi suma Edom-ma bei djib’er yam bana d’a azi vata ba,

Abdiyas 1:12

Agi suma Edom-ma, nga djivid’a agi lagi furîd’a yam b’oziyogi suma Juda-na kur bur ma azi nga kur ndakina d’i, nga djivid’a agi lagi furîd’a ata yima b’laka mba kazina d’oze agi sanagi ad’uzi kur bur ma azi nga kur pupulukina d’uo mi.

Matiye 22:9

Kayam ndata, agi igi grak lovota; suma agi fazina, agi yazï pet yam te ma tela.